DÇ-yə biletləri ən çox hansı ölkələr alıb?
FİFA DÇ-2018-in
oyunlarına bilet satışı ilə bağlı hesabatı açıqlayıb.
Kaspi.az xəbər
verir ki, indiyə qədər 1 698 049 bilet satılıb. Bu biletlərin təxminən
yarısını, 796 875-ni (46,9%) rusiyalı azarkeşlər alıblar.
Maraqlıdır ki,
yığma komandası mundialda iştirak etməyən ABŞ vətəndaşları da DÇ-yə böyük maraq
göstərirlər. Bilet alanlar sırasında ABŞ ikinci yerdədir. Bu ölkənin vətəndaşları
80 161 bilet alıb.
Sonrakı yerləri
Braziliya (65 863), Kolumbiya (60 199), Almaniya (55 136), Meksika (51 736),
Argentina (44 882), Peru (38 544), Çin (36 841), Avstraliya (34 628) və İngiltərə
(30 711) tutur.