DÇ-2018 zamanı Rusiyada 11 klub dağılıb
"Mançester
Yunayted”in və Rusiya yığmasının sabiq futbolçusu Andrey Kançelskis ölkədə
futbolun durumu barədə danışıb.
Kaspi.az xəbər
verir ki, Kançelskis mundialın keçirilməsinin ölkədə futbolun inkişafına təsir
göstərməsi əvəzinə, əks prosesin baş verdiyini deyib. O, DÇ-2018 zamanı
Rusiyada 11 klubun dağıldığını vurğulayıb:
"İstərdim ki,
dünya çempionatının keçirilməsi Rusiyada futbolun inkişafına böyük təkan
versin. İstərdim ki, stadionlarda futbol oynasınlar, bazar yaratmasınlar.
Ancaq hazırda
bunun əksini görürəm. DÇ zamanı Rusiyada 11 klub fəaliyyətini dayandırdı. Bu
barədə isə heç kim danışmır. Belə durumda inkişafdan danışmaq olar? Həyəcan zəngi
çalmaq, bu məsələyə diqqət ayırmaq lazımdır”.