CELTA Azərbaycan Müəllim İnkişafı Mərkəzinin ilk rəsmi tədris mərkəzi kimi
Azərbaycan
Müəllim İnkişafı Mərkəzinin Cambridge
Asessment English (Kembricin İngilis dili üzrə Qiymətləndirməsi) tərəfindən CELTA
tədris mərkəzi kimi fəaliyyət göstərməsinə icazə verilib.
Kembric Universitetinin
bir bölümü olan Cambridge Asessment English (Kembricin İngilis dili üzrə Qiymətləndirməsi)
Azərbaycan Müəllim İnkişafı Mərkəzinin (AMİM)Azərbaycanda ilk rəsmi CELTA tədris
mərkəzi kimi akkreditə olunduğunu elan edib.
AMİM 23 iyul-17 avqust
tarixləri arasında keçiriləcək ilk kursda dil müəllimləri və dil müəllimi
olmağı istəyən digər şəxsləri Azərbaycanda təhsil almaq imkanı təqdim edəcəkdir.
Təlim proqramı beynəlxalq səviyyədə tanınmış təlimçilər Gary Nixon və Cathy
Geraghty tərəfindən keçiriləcək.
CELTA müəllimlərə yetkin
şəxslərə İngilis dili öyrədə bilmək üçün lazımi bacarıq, bilik və təcrübə
verir. CELTA Cambridge English-də özünəməxsus statusa malik, dünya miqyasında
istənilən və işə götürənlər tərəfindən tələb olunan bir kvalifikasiyadır.
CELTA kvalifikasiyası
Kvalifikasiyalar və Kredit Strukturunda 5-ci səviyyəyə malikdir və Böyük
Britaniyanın Kvalifikasiya və İmtahan Tənzimləmə İdarəsi (Ofqual) tərəfindən tənzimlənir.
CELTA proqramı müəllimləri
öyrənənləri və öyrədənləri anlamada yönləndirən və tədris və öyrənmə
kontekstini rəhbər tutan; dil təhlili və məlumatlandırılması; dil bilikləri:
dinləmə, danışma və yazma; müxtəlif tədris kontekstləri üçün planlaşdırma və
resurslar, tədrisdə bacarıq və peşəkarlığı inkişaf etdirən 120 saatlıq təlim
kursudur.