Cəlilabadda sürüşmə: magistral yol təhlükədə

Cəlilabad rayonunda sürüşmə sahələrində yenidən aktivləşmə müşahidə olunur.

APA-nın cənub bürosunun verdiyi məlumata görə, daha çox aktivlik Zəhmətabad kəndində qeydə alınıb, böyük torpaq laylarının dərəyə sürüşməsi nəticəsində çökəklik yaranıb.

Yüksək ərazidə vəziyyətin daha da təhlükəli olduğu bildirilir.

Sürüşmə nəticəsində Cəlilabad-Yardımlı avtomobil yolunda hərəkət üçün çətinliklər yaranıb.

Yolda avtomobillərin hərəkətində problem yaranmaması üçün tədbirlər görülür.