Cəbhədə öldürülən erməni hərbçilərin adları açıqlandı

Cəbhə xəttində Azərbaycan əsgərləri tərəfindən məhv edilən Ermənistan Silahlı Qüvvələrinin hərbçilərinin adı açıqlanıb.
APA-nın Ermənistan saytlarına istinadən verdiyi məlumata görə, iyunun 19-da Qarabağda, Xocavənd rayonu istiqamətində öldürülmüş erməni hərbçi, çavuş Narek Poqosyandır. O, Ermənistan Ordusunda müqavilə əsasında xidmət edib.
Naxçıvan Muxtar Respublikası ilə sərhəddə baş vermiş atışmada öldürülən əsgər isə Qrişa Xaçaturyan olub. 1993-cü il təvəllüdlü Q. Xaçaturyan Sisyandan həqiqi hərbi xidmətə çağırılıb.