Cəbhə xəttində erməni helikopteri vuruldu - Yenilənib

Milli.Az erməni mətbuatına istinadən bildirir ki, Ermənistan ordusunun Mi-24 hərbi helikopterinin vurulması nəticəsində işğalçı ordunun üç hərbçisi ölüb.
-----------
16:31
Müdafiə Nazirliyi Ermənistana məxsus helikopterin vurulması ilə bağlı məlumatla aydınlıq gətirib.
"Qafqazinfo" Nazirliyin saytına istinadən xəbər verir ki, Ermənistan Respublikası Silahlı Qüvvələri tərəfindən keçirilən son təlimlər zamanı düşmən hərbi aviasiyası cəbhəyanı zonada 3 gündür ki, provokasiya xarakterli uçuşlar həyata keçirirlər.
Davamlı olaraq mövqelərimiz üzərində döyüş manevrləri yerinə yetirən düşmən hərbi aviasiyası bu gün daha açıq şəkildə döyüş kursuna çıxaraq uçuşlar keçirməklə mövqelərimizə atəş açmağa cəhd edib.
Noyabrın 12-də saat 13:45 radələrində cəbhənin Ağdam rayonunun Kəngərli kəndindən 1700 metr şimal-şərq istiqamətində Ermənistan Respublikası Silahlı Qüvvələrinə məxsus Mi-24 tipli helikopteri döyüş kursuna enərək mövqelərimizə hücum edib. Qoşunlarımız tərəfindən açılan cavab atəşi nəticəsində düşmən helikopteri məhv edilib.
Hazırda vurulan düşmən helikopterinin qalıqları müdafiənin ön xəttindən 500 metr qarşıdakı əraziyə düşüb.