Üç şairə 40000 dollar qrant
1960-cı ildə Con Keyc və Kesper Cons tərəfindən
digər sənət sahələrindən olan xadimlərin yeni işlərinə maddi dəstək vermək üçün
yaradılmış "Çağdaş Sənətlər Fondu” ("Foundation of Contemporary Art”) cari ilin
yanvar ayının 8-də üç yeni şairə 40000 dollar qrant ayırdığını elan edib. "New
York Times”-da yer alan xəbərə görə, fondun idarəedici direktorlarından rəssam
Sesiliya Braun mətbuata verdiyi açıqlamada deyib: "Bir rəssam kimi poeziyanın
dəstəyə ən çox ehtiyacı olduğu bu dönəmlərdə şairləri həvəsləndirəcək və şeirə
sövq edəcək belə bir mükafatın olması məni çox sevindirir”.
Kelli və Cek Şiyerin xatirəsinə həsr olunmuş
"Wright Award for Poetry” mükafatının qalibi 2004-cü ildən Fransada yaşayan
"izah edilməsi çətin, amma əyləncə və duyğu vəd edən” kanadalı şair Liza
Robertsona verilib.
2015-ci ildə işıq üzü görmüş "Qadınlar əleyhinə
qiyafələr” ("Garments against women”) şeir toplusu ilə böyük maraq toplamış,
"New York Times Book Review” dərgisində "həyatın üzünü köçürən kədərli,
möhtəşəm, ehtiraslı müəllif” kimi təqdim olunan Missusuri doğumlu Ann Boyer isə
"Cy Twombly Award for Poetry” mükafatına layiq görülüb.
Öz sahəsi üzrə aktivliyi zəifləməyən, iş
prinsipiallığı və intizamı ilə fərqlənən yazarlar üçün nəzərdə tutulmuş "Roy
Lichtenstein Award” mükafatını isə Nyu Yorklu şair-ədəbi tənqidçi Fred Moten
əldə edib.
Qaliblər üçün nəzərdə tutulan qrant məbləği üç
nəfər arasında bölüşdürüləcək.