Böyük pullara qarşı oynadıq, təmiz ovsun idi
"Sevilya”nın
prezidenti Xose Kastro Karmona Çempionlar Liqasının 1/8 finalında "Mançester
Yunyated”i mübarizədən kənarlaşdırmalarına münasibət bildirib.
Kaspi.az xəbər
verir ki, Karmona böyük pulları olan komandaya qalib gəldiklərini deyib. O,
bunun sehrli qələbə olduğunu vurğulayıb:
"Tarixi axşam oldu. Təmiz ovsun idi. Biz böyük pulları və
superulduzları olan komandaya qarşı oynadıq. Və bu oyunda onlardan yaxşı idik”.
"Sevilya” iki
oyunun nəticəsinə görə, 1/4 finala adlayıb - 0:0, 2:1. Qeyd edək ki, "Seviliya”
60 ildə ilk dəfə Avropanın ən nüfuzlu klub turnirinin 1/4 finalına vəsiqə əldə
edib.