AZE | RUS | ENG |


“Böyük İpək yolu” pilot turizm layihəsinin perspektivləri

“Böyük İpək yolu” pilot turizm  layihəsinin perspektivləri
Turist mübadiləsi genişlənəcək, türkdilli xalqların əlaqələri artacaq...

Bu ilin aprelində Türk Şurası çərçivəsində Türkiyə, Azərbaycan, Qazaxıstan və Qırğızıstandan keçən "Böyük İpək yolu" pilot turizm layihəsi işə salınacaq. Bu barədə Qazaxıstanın İnvestisiya və İnkişaf Nazirliyinin Turizm Sənayesi Departamentinin direktoru Marat İqaliyev "facebook" səhifəsində yazıb. Onun sözlərinə görə, bu layihə on iki gün davam edəcək. Həmçinin qeyd edib ki, marşrutun Qazaxıstan hissəsində turistlər Almatıya gələcək və burada Şımbulak dağ-xizək kurortuna, Koktobe və Kolsaya baş çəkəcəklər. Daha sonra onlar 2017-ci ildə türk dünyasının mədəniyyət paytaxtı elan olunmuş qədim Türküstan şəhərinə gedəcəklər. "Böyük İpək yolu” marşrutunun ölkəmizdən keçən hissənin Azərbaycan üçün hansı perspektivləri olduğunu, bu xəttin turizm sektoruna nələr qazandıracağını və xəttin hansı regionlardan keçəcəyini aydınlaşdırmağa çalışdıq.
 
Gəncə, Şəki, Şamaxı, Bakı...

Mədəniyyət və turizm nazirliyinin turizm şöbəsinin marketinq  sektorunun məsləhətçisi Azər Orucov  bildirdi ki, bu təklif Türk Şurası tərəfindən irəli sürülüb və Azərbaycan da layihədə iştirak edir. "Bizim turizm şirkətləri  layihədə olan  digər ölkələrin şirkətləri ilə tərəfdaşlıq edirlər. İşçi qrupunun İstanbuldakı  onuncu  görüşündə bu layihə ilə bağlı müzakirələr aparılmışdır. Yəni hər bir ölkədə hansı abidələrə, obyektlərə baxılacaq, həmçinin nəqliyyat məsələləri  üzərində danışıqlar gedib. Azərbaycan üzrə dörd günlük proqram təklif olunub.  Turistlər Gəncədən başlayaraq Şəki, Şamaxı Bakı şəhərlərinə  baş çəkəcəklər. Həmin bölgələrin tarixi və mədəni abidələri ilə tanış olacaqlar. Layihə həyata keçirilməzdən əvvəl info-tur təşkil olunacaq.
Turizm sahəsi müasirləşməyə doğru gedir
 
Millət vəkili Azər Badamov deyir ki, turizm sahəsində keçirilən hər bir layihəni uğurlu hesab etmək olar. "Çünki bir çox ölkələrinin inkişafında turizm sektorunun rolu böyükdür. Azərbaycanda da  bu sahəni inkişaf etdirməliyik. Həyata keçirilən layihələrin ölkəmizə turist cəlb olunması baxımından böyük əhəmiyyəti var. Bizim dövlətimizdə də  turizm sahəsi müasirləşməyə doğru gedir. Həm də turizm imkanları da genişlənir. Düşünürəm ki, bu cür  layihələr  Azərbaycanın turizm potensialını qaldıracaq, və tranzit imkanlarını genişləndirək”.
 
Azərbaycan - Şərq və Qərb arasında körpü

Azərbaycan Turizm Assosiasiyası sədrinin müşaviri Müzəffər Ağakərimov "İpək yolu” layihəsinin çoxdan ön planda olduğunu bildirdi və vurğuladı ki, bu layihənin həyata keçirilməsində turizm nazirliyi yüksək səviyyədə işlər görür. "Böyük İpək yolu layihəsi ümumiyyətlə, Çindən başlayıb Türkiyə ərazisində bitir. İpək yolunun bir neçə marşrutu var. Həmin dörd  türk ölkəsi də bu xəttə  daxilidir. İpək yolu  marşrutu ölkələr arasında turist mübadiləsinin genişlənməsində, türkdilli xalqların əlaqələrinin artmasında və yeni proqramların, pilot layihələrin təşkil olunmasında böyük rol oynayır. Azərbaycan da  ipək yolu xəttində böyük əhəmiyyətə malikdir. Ölkənin iqlimi, yerləşdiyi coğrafi şərait buna əyani sübutdur. Azərbaycan Şərq və Qərb arasında körpü rolunu oynayır. Layihə nə qədər tez həyata keçirilsə, turist axını bir o qədər sürətlənər. İstərdik ki, turizmlə bağlı layihələr köhnəlməmiş həyata keçirilsin. Layihənin həyata keçirilməsində  turizm  üzrə mütəxəssislər və ekspertlər iştirak etməlidir.

M. Ağakərimov qeyd etdi ki, gələn turistlər istədikləri otellərdə yerləşdirilməlidir. "Çünki elə qonaqlar ola bilər ki, beşulduzlu oteldə qalmaq istəyər. Düşünürəm ki, turistlərə təkcə bir neçə şəhəri yox, mümkün olduqca Azərbaycanın bütün dilbər guşələrini  göstərmək lazımdır. Gələnlər bilməlidirlər ki, təkcə paytaxtımız yox, bütün şəhərlərimiz inkişaf etmiş infrastruktura malikdir. Hər bir ölkə özünün ən gözəl ənənəsini, tarixini, mətbəxini, musiqisini  təqdim etməyə çalışır. Bunun daha geniş , yüksək səviyyədə həyata keçirilməsinə çalışmaq lazımdır”.

Günel Azadə
 
 
 


Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0046
GEL 1 Gürcü larisi 0.7026
GBP 1 İngilis funt sterlinqi 2.1922
TRY 1 Türk lirəsi 0.4768
KWD 1 Küveyt dinarı 5.6088
SEK 1 İsveç kronu 0.1957
EUR 1 Avro 1.9062
CHF 1 İsveçrə frankı 1.7478
USD 1 ABŞ dolları 1.7020