“Bura Omskdan da pisdir ki...”
"Çelsi”nin
sahibi Roman Abramoviç "Tottenhem”i ala bilərmiş.
Kaspi.az xəbər
verir ki, Abramoviç 2003-cü ildə "Tottenhem”lə maraqlanıb. Bu barədə məlumat
"Wall Street Journal”ın buraxdığı "Klub” kitabında yer alıb.
Abramoviç əvvəlcə
"Arsenal”la maraqlanıb. Ancaq "topçular”ın satılmadığı məlum olduqdan sonra,
rusiyalı milyarder İsveçrənin UBS bankına İngiltərənin futbol bazarını
araşdırmaq üçün sifariş verib.
Həmin vaxt
Abramoviçə "Tottenhem” təklif olunub. Milyarder Londonun Tottenhem Hay Roud
bölgəsini gəzib və xoşlamayıb. Məlumata görə, Abramoviç bu bölgə barədə belə
deyib: "Bura Omskdan da pisdir ki”.