AZE | RUS | ENG |

Bundestaqın saxlanması neçəyə başa gəlir?

Bundestaqın saxlanması neçəyə başa gəlir?
2019-cu ildə Bundestaqın saxlanması alman vergi ödəyicilərinə 974 milyon avroya başa gələcək.

AZƏRTAC Almaniyanın Federal Hesablama Palatasının məlumatlarına istinadla xəbər verir ki, bu məbləğ keçənilkindən 100 milyon avro çoxdur.

Binaların saxlanması üçün 137 milyon avro planlaşdırılır. Fraksiyalara daha 112 milyon avro ayrılacaq. Deputatlara ödənişlərin ümumi məbləği isə 460 milyon avroya yaxın olacaq.

AZƏRTAC xəbər verir ki, bu maliyyələşdirmənin artırılmasının əsas səbəbi xalq elçilərinin sayının əhəmiyyətli dərəcədə artmasıdır. 2017-ci ilin sentyabrında keçirilmiş seçkilərdən sonra Bundestaqda 709 deputat fəaliyyət göstərir. Son 10 ildə deputatların sayı təqribən 100 nəfər artıb.

2012-ci ildə Federal Konstitusiya Məhkəməsi əvvəlki seçki sisteminin ölkənin Əsas Qanununa zidd olduğunu bildirib. Bu qərar belə adlandırılan "əlavə mandatlar” üzündən, "ikinci səslər”in (yəni partiya siyahılarına seçki dairələrində deyil, federal əyalətlərdə verilmiş səslərin) qeyri-mütənasib şəkildə paylanması ilə bağlı idi.

Bir il sonra seçki hüququnda aparılmış islahat nəticəsində kompensasiya mexanizmi tətbiq edildi – fraksiyaların say nisbəti "ikinci səslərin” hesablanması nəticələrinə uyğun olana qədər Bundestaqda yerlərin sayı artırılmağa başlandı. Nəticədə Almaniya parlamentində yerlərin sayı artmaqda davam edir, halbuki bu yerlərin nominal sayı 598-ə bərabərdir.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7000
EUR 1 1 Avro 1.9254
GEL 1 1 Gürcüstan larisi 0.6403
GBP 1 1 İngiltərə funt sterlinqi 2.1261
IRR 100 100 İran rialı 0.0040
SEK 1 1 İsveç kronu 0.1872
CHF 1 1 İsveçrə frankı 1.7124
KWD 1 1 Küveyt dinarı 5.5837
TRY 1 1 Türkiyə lirəsi 0.3170