Bu ilin kitabını gələn ilə saxlamayın
"HuffingtonPost”-un ədəbiyyat redaktoru Kler Fallon
məşhur nəşriyyatların iddialı kitablarını bir yerə toplayıb. Belə ki, ilin elə
ilk günlərində 2018-in sevilənlərindən olacağı iddia edilən əsərlərin nəşr
tarixini açıqlayan və oxucularına bu kitabları gələn ilə saxlamadan oxumalarını
tövsiyə edən redaktorun xəbəri böyük marağa səbəb olub. İl ərzində hansı ayda
nəşr olunacaq hansı kitabların nəşriyyatlar tərəfindən iddialı çıxış hesab
edildiyini göstərən siyahıda altmış adda nümunə yer alıb. Siyahının yerli
oxucular üçün də maraq kəsb edəcəyini nəzərə alıb, ilk yarımillik üçün olan
hissəsini təqdim edirik. Siyahının tam mətni ilə "huffingtonpost.com” internet
ünvanından tanış ola bilərsiniz.
İlin ilk iddialı nəşri Hənif Kureyşinin
"Faber&Faber”-də işıq üzü görmüş "Heç nə” ("The nothing”) romanı yanvarın
ikisində rəflərdə yerini aldı. Yanvarın doqquzunda isə "Putnam” Kloe Benjaminin
"Ölümsüzlər” ("The immortalists”) əsərini oxucuların ixtiyarına Verdi. Ötən il
iddialı müəlliflərlə işləsə də, uğursuzluğa düçar olan "Riverhead” Tomas
Pyersin "Ölümdən sonra həyat” ("The afterlives”) romanı ilə iddialı bir
başlanğıca imza atdı. Yanvar ayının ikinci yarısında işıq üzü görəcək digər
sanballı nümunələr isə Leni Zumasın "Qırmızı saatlar” ("Red clocks”), Mira
Linin "Burada hər şey gözəldir” ("Everything here is beautiful”), Şandler
Smitsin "Səma sənindir” ("The sky is yours”), "Emma Qlasın "Şaftalı” ("Peach”)
romanlarıdır.
Fevral – "Ürəyin bəhrəsi” ("Heart berries” – Tereze
Meylhot), "Asimmetriya” ("Asymmetry” – Lisa Hellidey), "Dost” ("The Friend” –
Siqrid Nunez), "Amerikan nikahı” ("The American marriage” – Tayari Jons),
"Kədər ağ quşdur” ("Sadness is a white bird” – Moriel Rotman Zeçer).
Mart – "Uzaq diyar” ("Away land” – Ramona Asubel),
"Silah eşqi” ("Gun love” – Cennifer Klement), "Həyata yaxın” ("The life to
come” – Mişel Kretser), "Gündəlik qorxunun hekayələri” ("Tales of everyday horror” – Melori
Ortberq), "Kişilər və görünənlər” ("Men
and apparitions” – Linni Tilman).
Aprel – "Qadın təlqini” ("The female persuasion” –
Meq Uolitzer), "Sağalma” ("The recovering” – Lesli Ceymison), "Gör, nələr etmək
olar” ("See what can be done” – Lorri Mur”), "Böyüyəcək və məni tərk
edəcəksiniz” ("You all grow up and leave up” – Payper Ueys).
May – "Xoşbəxt adam” ("A lucky man” – Ceyml
Brinkli), "Təcavüz təfəkkürünə siqnallar” ("Dispatches from rape culture”-
Roksana Qay), "Analıq” ("Motherhood” – Şeyla Heti).
İyun – "Florida” (Lauren Qrof), "Xəstə: Laym,
sevgi, xəstəlik və aludəçilik həyatı” ("Sick: The life of lyme, love, illness
and addiction” – Paroçista Xakpur), "Vera Kelli kimdir?” ("Who is Vera Kelly?”
– Rozali Knecht).