Bu il hər bir Bakı sakini 179,6 manatlıq müxtəlif ödənişli xidmətlərdən istifadə edib

Bu il hər bir Bakı sakini 179,6 manatlıq müxtəlif ödənişli xidmətlərdən istifadə edib

İqtisadiyyat
02 Noyabr 2019, 15:00 1333
Cari ilin yanvar-sentyabr aylarında Bakı əhalisinə göstərilən ödənişli xidmətlərin dəyəri ötən ilin eyni dövrü ilə müqayisədə real ifadədə 2,4 faiz artaraq 4 milyard 2,9 milyon manat olub. Hüquqi şəxslər tərəfindən əhaliyə 2 milyard 888,2 milyon manatlıq xidmət göstərilib ki, bu da xidmətlərin ümumi dəyərinin 72,2 faizidir.
AZƏRTAC Bakı Şəhər Statistika İdarəsinin yaydığı məlumata istinadla xəbər verir ki, qeyri-dövlət sektorunda əhaliyə göstərilən ödənişli xidmətlərin dəyəri əvvəlki ilin müvafiq dövrünə nisbətən 0,4 faiz artaraq 3 milyard 126,1 milyon manat olub.
Bu il yanvar-sentyabr aylarında hər bir şəhər sakini orta hesabla 179,6 manatlıq və ya əvvəlki ilin müvafiq dövrü ilə müqayisədə nominal ifadədə 7,6 manat çox müxtəlif ödənişli xidmətlərdən istifadə edib.