Bu il ekranlaşdırılacaq romanlar
Romanların ekranlaşdırıldığı layihələrin əksər
hallarda uğurlu və uzunömürlü olması bu tendensiyanı hələ uzun müddət dəbdə
saxlayacaq kimi görünür. Belə ki, bu il də sevilən bestseller romanların ekran
əsərləri gözümüzü və zövqümüzü oxşamağa iddialıdır. "New-York Times”-ın
xəbərinə görə, artıq serial və film süjetlərinin əsas xəttini təşkil edəcək
əsərlərin adları da yavaş-yavaş açıqlanmağa başlayıb. Ölkəmizdə romanların
ekran versiyalarına maraq isə xüsusilə böyükdür. Kinoteatrlarda məhz bu
əsərlərin böyük auditoriya tərəfindən izlənməsi faktı da bunun sübutudur. Odur
ki, dərginin paylaşdığı siyahının bir hissəsini kino və ədəbiyyat sevənlər üçün
təqdim edirik.
·
Rejissor
Ues Bollun Ceyms Daşnerə dünya şöhrəti gətirən "Sonuncu etiraz” ("Death cure”)romanı əsasında çəkdiyi eyniadlı silsilənin üçüncü hissəsi bu il izləyicilərin
ixtiyarına veriləcək.
·
E.L.Ceymsi
sıradan ev qadınından dünyanın bestseller yazarına çevirən "Bozun əlli çaları”
("Fifty shades of grey”) romanı əsasında çəkilən silsilənin üçüncü hissəsi"Azadlığın əlli çaları” ("Fifty shades freed”) sevgililər günündə Ceymi Dornan
və Dakota Consonu yenidən sevənləri ilə görüşdürəcək.
·
Cef
Vander Miyer "Yoxolma” ("Southern
Reach”) trilogiyası ilə bütün həyatı dəyişmiş yazarlardandır. Romanın ilk
hissəsi əsasında çəkilən ekran əsərinin isə müəllifin sərvətinə sərvət qatacağı
proqnozlaşdırılır. Mart ayında nümayişi gözlənilən "Tarimar” ("Annihilation”)
adlı filmin baş rollarında Natali Portman, Tessa Tomson, Cennifer Ceyson, Oskar
İsak, Gina Rodrigez kimi ulduzlar çıxış edəcək.
·
Rejissor
Maykl Sussi bu dəfə Devid Levithanın "Hər gün” ("Every day”) əsərinin ekran
versiyası üçün kamera arxasına keçib. Fevralın 23-də premyerası gözlənilən
filmin baş rollarını Maria Bello, Anqorui Rays və Debbi Ryan paylaşır.