Braziliyanın “xəsislik mədəniyyəti” haqda danışdı
Braziliya
yığmasının sabiq futbolçusu Juninyo Pernambukano PSJ-nin futbolçusu Neymarın
durumu ilə bağlı danışıb.
Kaspi.az
xəbər verir ki, Juninyo Neymarın PSJ-yə pula görə keçdiyini deyib. O, vətəni
Braziliyada futbolçuların düzgün tərbiyə olunmadığını da vurğulayıb:
"Braziliyada
bizə anacaq pul haqda düşünməyi öyrədirlər. Avropada isə mentalitet tamamilə fərqlidir.
Mən özüm üçün plan qurmuşdum. Braziliyanın daha nəhəng klublarına keçmək istəyirdim.
Ancaq etiraf edim ki, bu planı sırf idman prinsipləri əsasında qurmamışdım. Məni
belə öyrətmişdilər: kim daha çox pul verirsə, onun üçün oynamaq lazımdır. Bu,
Braziliya yoludur.
Neymara
baxın. O, PSJ-yə pula görə keçdi. Paris klubu ona istədiyi hər şeyi verdi. Amma
indi isə Neymar müqavilə müddəti bitməmiş PSJ-ni tərk etmək istəyir. Amma belə
olmamalıdır. O, indi bütün qüvvəsini komandanın uğurlarına sərf etməlidir.
Problem
ondadır ki, "Braziliyada "xəsislik mədəniyyəti” hökm sürür. Hamı həmişə daha
çox pul istəyir. Bax, bizi belə tərbiyə
ediblər. Bunda günahkar kimdir? Neymar, yoxsa Braziliya cəmiyyəti? Onu belə öyrədiblər.
Ona görə, futbolçu Neymarla insan Neymarı fərqləndirmək lazımdır.
O,
futbolçu kimi dünyanın 3 ən yaxşı oyunçusundan biridir. Amma insan kimi
günahkardır. O, bu barədə özünə sual verməli və inkişaf etməlidir. Ancaq
hazırda necə tərbiyə edilibsə, elə də hərəkət edir”.