Braziliya onunla davam edəcək, Tite tarixə düşdü
Braziliya
yığması DÇ-2022-yə də Titenin rəhbərliyi altında gedəcək.
Kaspi.az xəbər
verir ki, DÇ-2018-də yığmanın 1/4 finalda dayanmasına baxmayaraq, Braziliya Futbol
Konfederasiyası Tite ilə müqaviləni uzadıb.
57 yaşlı mütəxəssislə
4 illik – DÇ-2022 başa çatana qədər
müqavilə bağlanıb. O, bu müqavilə ilə Braziliya futbolunun tarixinə
düşüb.
Tite, Braziliya
yığması dünya çempionu ola bilməsə də, baş məşqçi postundan qovulmayan ilk mütəxəssis
olub.
Braziliya
yığması Titenin rəhbərliyi altında 26 oyun keçirib, 20 qələbə qazanıb, 4
heç-heçə edib, 2 dəfə məğlub olub.