Bolt Avropa klubundan 2 illik təklif alıb
Səkkizqat
olimpiya çempionu Useyn Bolt Avropanın futbol klublarından birindən təklif
alıb.
Kaspi.az xəbər
verir ki, bu barədə məlumatı Boltun agenti Toni Rallis verib. Rallis klubun
adını açıqlamayıb.
Ancaq bildirib
ki, həmin klubun yeni sahibi var. Yeni rəhbərlik isə komandanı Çempionlar
Liqasının qrup mərhələsində görmək istəyir.
Agent, Bolta 2
illik müqavilə təklif olunduğunu da bildirib. Onu da qeyd edək ki, Useyn Bolt peşəkar
futbolçu karyerasına Norveçin "Stromqodset” komandasında başlayıb. O, bir neçə
ay əvvəl Avstraliyanın "Sentral Kost Mariners” klubuna transfer olunub.