Bakı 24°C
BMT baş katibi Azərbaycan və Ermənistan xarici işlər nazirlərinin Nyu-York görüşünə münasibət bildirib
BMTbaş katibi Antonio Quterriş Nyu-YorkdaBMTBaş Assambleyasının sessiyası çərçivəsində Azərbaycan və Ermənistan xarici işlər nazirlərinin vəATƏT-in Minsk qrupu həmsədrlərinin görüşünü alqışlayır.
APA-nın məlumatına görə, bu barədə baş katibin mətbuat katibi Stefan Duyarriçin bəyanatında deyilir.
Bəyanatda bildirilir ki, baş katib həmsədrlərin gərginliyi azaltmaq və danışıqlar prosesini yenidən canlandırmaq istiqamətində səylərini dəstəkləyir: "Baş katib ümid edir ki, Azərbaycan və Ermənistan prezidentləri səviyyəsində planlaşdırılan görüş etimad mühitinin artmasına səbəb olacaq. O, eyni zamanda ümidvardır ki, bu görüş tərəflər arasında razılaşdırılmamış əsas məsələlərlə bağlı kompromisli həll yolunun tapılması üçün vacib olan siyasi iradənin stimullaşmasına da imkan yaradacaq”.
Dağlıq Qarabağ münaqişəsinin müasir mərhələsi 1988-ci ildə Ermənistan SSR-in Azərbaycan SSR-ə qarşı ərazi iddiaları əsasında başlayıb.
1991-1994-cü illərdə AzərbaycanınDağlıq Qarabağərazisi uğrunda Ermənistanla Azərbaycan arasında şiddətli müharibə baş verib. Nəticədə Azərbaycan ərazilərinin 20 faizi - Dağlıq Qarabağ və ətraf 7 inzibati rayon (Laçın,Kəlbəcər,Ağdam,Füzuli,Cəbrayıl,Qubadlı,Zəngilan) Ermənistan Silahlı Qüvvələri tərəfindən işğal olunub, 1 milyondan artıq insan qaçqın və məcburi köçkün vəziyyətinə düşüb. Hərbi əməliyyatlar 1994-cü ilin may ayında Bişkekdə Azərbaycan və Ermənistan arasında imzalanmış atəşkəs sazişi ilə başa çatıb.
Dağlıq Qarabağ münaqişəsinin həlli iləATƏT-in Minsk qrupu məşğul olur. Qrup ATƏM (1994-cü ilin dekabrında keçirilmiş Budapeşt sammitindən sonraATƏT) Nazirlər Şurasının 1992-ci ilin 24 martında Helsinkidə keçirilmiş görüşündə yaradılıb. Qrupun üzvləri Azərbaycan, Ermənistan, Rusiya, Amerika Birləşmiş Ştatları, Fransa, İtaliya, Almaniya, Türkiyə, Belarus, Finlandiya və İsveçdir.
1996-cı ilin dekabrından onun Rusiya, ABŞ və Fransadan ibarət həmsədrlik institutu fəaliyyət göstərir.
Ermənistan qoşunlarının Dağlıq Qarabağdan qeyd-şərtsiz çıxarılması ilə bağlıBMTTəhlükəsizlik Şurasının 1993-cü ildə qısa fasilələrlə qəbul edilmiş 822, 853, 874 və 884 saylı qətnamələri, o cümlədənBMTBaş Assambleyası,AŞPA,ATƏT, İƏT və digər təşkilat və qurumların qətnamələri mövcuddur.
