“Bizi sakit buraxın, vaxt verin”
Premyer Liqanın
15-ci turunda "Mançester Yunayted” öz meydanında "arsenal”la qarşılaşıb və oyun
heç-heçə başa çatıb – 2:2.
Kaspi.az xəbər
verir ki, "Mançester Yunayted”in baş məşqçisi
Joze Mourinyo oyundan sonra fikirlərini bildirib. O, komandasından razı
qaldığını, ancaq çatışmayan cəhətlərinin də olduğunu vurğulayıb:
"Bu "Mançester
Yunayted”i Roy Kin, Ruud van Nisterloy, Nemanya Vidiçin vaxtındakı komanda ilə
müqayisə edənlərlə razılaşmıram. Bizi sakit buraxın, vaxt verin.
Komandamın oyun
ruhundan razıyam. Amma hələ ki, bizdə sabitlik çatışmır. Futbolçularım bu gün də
var qüvvələri ilə mübarizə apardılar.
Smollinq zədəli
oynadı, Reşford bu forma üçün meydanda hər şey etdi. "Arsenal” o vaxt təhlükəli
olurdu ki, biz müəyyən mövqelərə nəzarəti əldən verirdik. Futbolçularım var
qüvvələri ilə mübarizə apardılar və oyundan sonra yorğun görünürdülər”.