“Bir” Tələbə-Könüllü Proqramının nümayəndələri ADU-da təqdimat keçirib
"Bir” Tələbə-Könüllü
Proqramının nümayəndələri Azərbaycan Dillər Universitetində (ADU) "Bakı
Marafonu 2017” adlı təqdimat mərasimi keçirib. "Bakı Marafonu 2016”-nın qalibi
Namiq Əsədov Bakı Marafonunun tarixi, iştirak qaydaları, qeydiyyat prosesi və hədiyyələr
barəsində geniş məlumat verib. O, həmçinin idmanın inkişafına dəstək göstərmək
və sağlam həyat tərzini təbliğ etmək məqsədi ilə tələbələrə səslənib, marafona
hazırlıq və keçirilən təlimlər barədə ətraflı danışıb.
Marafonun sponsorlarından
olan "AzərTürkBank”ın Strateji planlaşdırma və Marketinq Departamentinin
direktoru Leyla Məmmədova bankın fəaliyyət istiqamətləri və əməkdaşlıq prinsiplərindən
söz açıb. O, eyni zamanda qaliblər üçün nəzərdə tutulan mükafatları da tələbələrin
nəzərinə çatdırıb.
Qeyd edək ki, Heydər
Əliyev Fondunun təşəbbüsü ilə aprelin 30-da ikinci dəfə baş tutacaq "Bakı
Marafonu 2017” "Küləyə qalib gəl” şüarı altında təşkil olunacaq.