AZE | RUS | ENG |

“Bir ailə” filminin təqdimatı olacaq

“Bir ailə” filminin təqdimatı olacaq
Nizami Kino Mərkəzi ilə "Ədibin Evi” Mir Cəlalın 110 illik və Qara Qarayevin 100 illik yubileyləri münasibəti ilə Azərbaycan mədəniyyətinin iki görkəmli xadiminin birgə ərsəyə gətirdiyi "Bir ailə” bədii filminin təqdimat mərasimini keçirəcək. 
 
Mərkəzdən APA-ya verilən məlumata görə, film 1943-cü ildə Bakı Kinostudiyasında istehsal edilmiş və II Dünya Müharibəsində qələbə naminə Azərbaycan neftinin rolu və Azərbaycan xalqının vətənpərvərliyindən bəhs edir.
 
Filmin ssenari müəllifi Mir Cəlal, bəstəkarı Qara Qarayev, rejissorları Mikayıl Məmmədov, Rza Təhmasib və Qriqori Aleksandrovdur.

Rollarda Xosrov Məlikov, Mərziyyə Davudova, Lyubov Orlova, Hökumə Qurbanova və digərləri çəkiliblər.
 
"Bir ailə” bədii filminin çəkilişləri müharibənin ən çətin və qızğın dövründə Bakıda aparılsa da, film sonra ekranlara buraxılmayıb. SSRİ Dövlət Film Fondunun Vətən filmləri şöbəsinin rəfində qalan filmə Sovet senzurası belə rəy verib: "Film Sovet xalqının alman işğalçıları ilə mübarizəsini zəif əks etdirir”.
 
Filmin nümayişindən əvvəl çıxışı nəzərdə tutulan Azərbaycan Kinematoqrafçılar İttifaqının icraçı katibi, əməkdar incəsənət xadimi Cəmil Quliyev "Bir ailə” bədii filminin Azərbaycana qaytarılması və bərpa edilməsi barədə danışacaq. 





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7000
EUR 1 1 Avro 1.9314
GEL 1 1 Gürcüstan larisi 0.6377
GBP 1 1 İngiltərə funt sterlinqi 2.1474
IRR 100 100 İran rialı 0.0040
SEK 1 1 İsveç kronu 0.1875
CHF 1 1 İsveçrə frankı 1.7103
KWD 1 1 Küveyt dinarı 5.5887
TRY 1 1 Türkiyə lirəsi 0.3176