“Bildiyini yaz” tövsiyəsi
Yazıçı olmağın ilk "qızıl şərti” yəqin ki, ən 16
dəfə özünə "Bildiyiniz yaz” deyən yazarın və ya redaktorunun xəbərdarlığıdır.
İkinci şərti isə bütün yazı prosesi boyu nəşr mərhələsinin qorxusu ilə əlləşə
bilmək. Amma bu dəfə sizə "literactor” ədəbi agentlərinin "Bildiyini yaz”
tövsiyəsi ilə bağlı yayımladıqları rəy yazısından müəyyən hissələri
bölüşəcəyik. Belə ki, bu tövsiyə inandığımızın əksinə çox zaman tamamilə yanlış
istiqamətləndirmədir.
Əgər bütün yazarlar bildiklərini yazsaydı, onda
milyonlarla oxucunun zövqünü oxşayan fantastik, qeyri-bədii ədəbiyyat
nümunələri olmazdı. Məsələn, Tolkien dünyanı özünə kökləyən fantastik əsərlər yerinə
ən yaxşı halda anqlo-sakson lüğəti nəşr etdirərdi. Digər tərəfdən isə elə
ənənəvi klassik ədəbi nümunələrdə belə əksərən yazarın şəxsən tanımadığı
insanlar, olmadığı yerlər canlandırılır.
Odur ki, "Bildiyini yaz” cümləsi yazmağa yeni başlayanlar üçün bir çıxış nöqtəsi ola
bilər, amma hamının eyni şeyi deməsi onun doğru olduğuna dəlalət etmir. Çünki
hər gün bir alma yeyən insanların da yolu bir gün həkimə düşür.Xəbəriniz olsun ki, sizə "Bildiyini yaz” deyənlər
bunun arxasındakı 3 şərti də nəzərdə tutur.
· Sevdiyin şeydən yaz – Kitab mağazasında
hansı hekayələrin çox satıldığı vacib deyil. Professorunun sənə nəyin geniş
auditoriya tərəfindən qəbul ediləcəyini deməsinin də əhəmiyyəti yoxdur. Sənin
öz marağını çəkən şeylər haqqında yaz. Maraq dairənizdə olan şeylərdən yazmaq
prosesi həm asanlaşdıracaq, həm də sürətləndirəcək. Arxayın ol ki, nə yazırsan
yaz, çöldə mütləq səninlə eyni zövqləri bölüşənlər var.
· Araşdırma apar – Yazmağın elə əsl şərti
budur. Öz təcrübələrin haqqında yazmaya bilərsən, heç dünya tarixinin
təcrübəsində olmayan bir şeyi də seçə bilərsən, amma birinci növbədə özünü
inandırmalısan. Bunun yolu mövzunu araşdırmaqdan keçir.
· Duyğularına diqqət et – Romantik
məsələlərdə nə qədər qabiliyyətsiz olursan ol, tanımadığın insanlar,
yaşamadığın münasibətlər haqqında yazacağını bil. Diqqətini ətrafındakı
insanların duyğularına və öz yaşadığın duyğulara köklə. Məkan və hekayəyə fərq
qoymadan danışdıqlarını inandırıcı etmək üçün duyğulardan yararlan.