Bakı 14°C
Beynəlxalq İnsan Hüquqları Gününə həsr olunmuş konfrans keçirilib
Dünən Bakıda "Hər bir
kəsin insan hüquq və azadlıqlarının təmin edilməsi: qanunvericilik və
Azərbaycan təcrübəsi" mövzusunda Beynəlxalq İnsan Hüquqları Gününə həsr
olunmuş konfrans keçirilib.
Konfransda çıxış edən Azərbaycanın İnsan Hüquqları üzrə Müvəkkili (Ombudsman) Elmira Süleymanova deyib ki, 1993-cü il ölkədə sabitlik və inkişaf ilinin başlanğıcı kimi tarixə düşməklə, strateji islahatların, qanunvericiliyin, iqtisadi, sosial sistemlərin sürətlə dəyişən şəraitə uyğunlaşdırılması, bazar iqtisadiyyatı prinsiplərinə cavab verən yeni iqtisadi siyasətin həyata keçirilməsi bütün istiqamətlərdə, o cümlədən insan hüquqları sahəsində dinamik inkişaf mərhələsi açdı. 1994-cü ilin ortalarında müstəqil dövlətin yeni Konstitusiya layihəsinin hazırlanmasının təşəbbüskarı məhz ümummilli lider Heydər Əliyev oldu. Onun sədrliyi ilə Azərbaycan Respublikasının yeni Konstitusiya layihəsinin hazırlanması üçün komissiyanın yaradılması, beynəlxalq hüquq normalarının və insan hüquqlarının ümumtanınmış prinsipləri əsasında, demokratik tərzdə və xalqın rəyi nəzərə alınaraq geniş müzakirə edilməsi, 1995-ci il noyabrın 12-də keçirilən ümumxalq səsverməsi yolu ilə ölkənin Əsas Qanununun qəbul olunması Azərbaycan Respublikasında hüquqi dövlət ideyasının formalaşmasına mühüm təkan oldu.
Ermənistanda girov saxlanılan Dilqəm Əsgərov və Şahbaz Quliyevlə bağlı Beynəlxalq Qızıl Xaç Cəmiyyətinin (BQXK) rəhbəri ilə görüşüb müzakirələr apardığını deyən E.Süleymanova deyib ki, onlar Dilqəm və Şahbazın qondarma məhkəmə tərəfindən cəzalandırılmasının beynəlxalq hüquqi normalara uyğun olmadığını, bunun beynəlxalq hüquqa zidd olduğunu bildiriblər.
E.Süleymanova qeyd edib ki, bu məsələ ilə əlaqədar BQXK-dan Ombudsmanın müraciətlərinə yazılı cavab verilib: "Cavabda qeyd olunub ki, onlar məsələnin siyasi aspektlərinə qarışa bilməz. Gərək iki dövlət arasında danışıqlar aparılsın ki, onların ailələrinə görüş üçün icazə verilsin. Biz bu məsələni daim qaldırırıq. Beynəlxalq Qızıl Xaç Komitəsi onlarla görüşür, onların məktublarını ailələrinə çatdırır. Dövlət, elə biz də çalışırıq ki, bu məsələ özünün ədalətli həllini tapsın".
Milli Məclis sədrinin müavini Bahar Muradova konfransdakı çıxışında ölkəmizdə insan hüquqlarının qorunması ilə bağlı mövcud qanunvericilikdən, Milli Məclis və Ombudsman Aparatı tərəfindən bu istiqamətdə birgə görülən işlərdən bəhs edib. O bildirib ki, parlament insan hüquq və azadlıqları ilə bağlı qanunvericilik bazasının möhkəmləndirilməsində çox ciddi rol oynayır. Hər bir insanın hüquqlarının qorunması vacib amildir və bu hüquqlar təmin edilməlidir. Bu il Azərbaycanda dövlət müstəqilliyinin 25 illiyi qeyd olunur. Ötən 25 il ərzində Azərbaycan digər sahələrlə yanaşı, insan hüquq və azadlıqları sahəsində də mühüm uğurlar əldə edib.
"Azərbaycanda insan hüquq və azadlıqlarının təmin olunması sahəsində dönüş ümummilli lider Heydər Əliyevin 1993-cü ildə hakimiyyətə qayıdışından sonra yaranıb”,- deyən B. Muradova ölkəmizdə insan hüquq və azadlıqlarının təmin edilməsi və qorunması istiqamətində atılan addımlardan, bu sahədə ümummilli lider Heydər Əliyevin xidmətlərindən söz açıb, bu siyasətin hazırda Prezident İlham Əliyev tərəfindən uğurla davam etdirildiyini söyləyib.
B.Muradova qeyd edib ki, müasir müstəqil Azərbaycanın 1995-ci il noyabrın 12-də qəbul edilmiş Konstitusiyası ölkənin gələcək inkişaf prioritetlərini müəyyənləşdirməklə yanaşı, insan hüquqlarının və azadlıqlarının təminatını dövlətin ali məqsədi kimi ön plana çıxarıb. Konstitusiyada əksini tapmış bu strateji məqsəd, ilk növbədə, hüquq islahatları və insan hüquqlarının qorunması prinsipinin real həyatda tətbiqini zəruri edib. Müstəqil Azərbaycanın ilk Konstitusiyasının qəbul edilməsi ilə cəmiyyət və dövlət həyatında demokratik dəyişikliklər üçün geniş yol açılıb, insan və vətəndaş hüquq və azadlıqlarının təminatına, onların müdafiə mexanizmlərinə xüsusi yer verilib. Əsas Qanunun ən geniş fəsli məhz fundamental insan hüquq və azadlıqlarından bəhs edir. Eyni zamanda, insan və vətəndaş hüquq və azadlıqlarının, vətəndaşların layiqli həyat səviyyəsinin təmin edilməsinin dövlətin ali məqsədi olduğu xüsusi vurğulanıb. Konstitusiyaya edilən əlavə və dəyişikliklərin bir qismi insan hüquq və azadlıqlarının məzmununun genişləndirilməsinə xidmət edib. Həmin dəyişikliklərdən sonra Konstitusiya Məhkəməsinə müraciət etmək hüququna malik subyektlərin dairəsi də əhəmiyyətli dərəcədə genişlənib.
Prezident İlham Əliyevin həyata keçirdiyi siyasətin prioritet istiqamətinin məhz insan hüquqlarının müdafiəsi olduğunu deyən B.Muradova diqqətə çatdırıb ki, dünyada müşahidə edilən inteqrasiya prosesləri fonunda demokratik inkişaf yolu tutmuş hər bir dövlətin qarşısında insan hüquq və azadlıqlarının təmini, onların tam həcmdə həyata keçirilməsi vəzifəsi durur.
Konfransda çıxış edən BMT-nin Azərbaycandakı Rezident Əlaqələndiricisi, BMT-nin İnkişaf Proqramının Rezident Nümayəndəsi Qulam İshaqzai isə qeyd edib ki, hər il 10 dekabrın bütün dünyada "Hər bir insanın hüququnu müdafiə et!" şüarı ilə keçirilir: "10 dekabr - Beynəlxalq İnsan Hüquqları ilə bağlı bəyannamə dünyaya verilmiş ən böyük töhfədir".
Qeyd edək ki, konfransın sonunda yazı müsabiqəsinin qalibləri mükafatlandırıldı. Mükafatlandırma mərasimində "Kaspi” qəzetinin əməkdaşı I yerə layiq görülüb.
Konfransda çıxış edən Azərbaycanın İnsan Hüquqları üzrə Müvəkkili (Ombudsman) Elmira Süleymanova deyib ki, 1993-cü il ölkədə sabitlik və inkişaf ilinin başlanğıcı kimi tarixə düşməklə, strateji islahatların, qanunvericiliyin, iqtisadi, sosial sistemlərin sürətlə dəyişən şəraitə uyğunlaşdırılması, bazar iqtisadiyyatı prinsiplərinə cavab verən yeni iqtisadi siyasətin həyata keçirilməsi bütün istiqamətlərdə, o cümlədən insan hüquqları sahəsində dinamik inkişaf mərhələsi açdı. 1994-cü ilin ortalarında müstəqil dövlətin yeni Konstitusiya layihəsinin hazırlanmasının təşəbbüskarı məhz ümummilli lider Heydər Əliyev oldu. Onun sədrliyi ilə Azərbaycan Respublikasının yeni Konstitusiya layihəsinin hazırlanması üçün komissiyanın yaradılması, beynəlxalq hüquq normalarının və insan hüquqlarının ümumtanınmış prinsipləri əsasında, demokratik tərzdə və xalqın rəyi nəzərə alınaraq geniş müzakirə edilməsi, 1995-ci il noyabrın 12-də keçirilən ümumxalq səsverməsi yolu ilə ölkənin Əsas Qanununun qəbul olunması Azərbaycan Respublikasında hüquqi dövlət ideyasının formalaşmasına mühüm təkan oldu.
Ermənistanda girov saxlanılan Dilqəm Əsgərov və Şahbaz Quliyevlə bağlı Beynəlxalq Qızıl Xaç Cəmiyyətinin (BQXK) rəhbəri ilə görüşüb müzakirələr apardığını deyən E.Süleymanova deyib ki, onlar Dilqəm və Şahbazın qondarma məhkəmə tərəfindən cəzalandırılmasının beynəlxalq hüquqi normalara uyğun olmadığını, bunun beynəlxalq hüquqa zidd olduğunu bildiriblər.
E.Süleymanova qeyd edib ki, bu məsələ ilə əlaqədar BQXK-dan Ombudsmanın müraciətlərinə yazılı cavab verilib: "Cavabda qeyd olunub ki, onlar məsələnin siyasi aspektlərinə qarışa bilməz. Gərək iki dövlət arasında danışıqlar aparılsın ki, onların ailələrinə görüş üçün icazə verilsin. Biz bu məsələni daim qaldırırıq. Beynəlxalq Qızıl Xaç Komitəsi onlarla görüşür, onların məktublarını ailələrinə çatdırır. Dövlət, elə biz də çalışırıq ki, bu məsələ özünün ədalətli həllini tapsın".
Milli Məclis sədrinin müavini Bahar Muradova konfransdakı çıxışında ölkəmizdə insan hüquqlarının qorunması ilə bağlı mövcud qanunvericilikdən, Milli Məclis və Ombudsman Aparatı tərəfindən bu istiqamətdə birgə görülən işlərdən bəhs edib. O bildirib ki, parlament insan hüquq və azadlıqları ilə bağlı qanunvericilik bazasının möhkəmləndirilməsində çox ciddi rol oynayır. Hər bir insanın hüquqlarının qorunması vacib amildir və bu hüquqlar təmin edilməlidir. Bu il Azərbaycanda dövlət müstəqilliyinin 25 illiyi qeyd olunur. Ötən 25 il ərzində Azərbaycan digər sahələrlə yanaşı, insan hüquq və azadlıqları sahəsində də mühüm uğurlar əldə edib.
"Azərbaycanda insan hüquq və azadlıqlarının təmin olunması sahəsində dönüş ümummilli lider Heydər Əliyevin 1993-cü ildə hakimiyyətə qayıdışından sonra yaranıb”,- deyən B. Muradova ölkəmizdə insan hüquq və azadlıqlarının təmin edilməsi və qorunması istiqamətində atılan addımlardan, bu sahədə ümummilli lider Heydər Əliyevin xidmətlərindən söz açıb, bu siyasətin hazırda Prezident İlham Əliyev tərəfindən uğurla davam etdirildiyini söyləyib.
B.Muradova qeyd edib ki, müasir müstəqil Azərbaycanın 1995-ci il noyabrın 12-də qəbul edilmiş Konstitusiyası ölkənin gələcək inkişaf prioritetlərini müəyyənləşdirməklə yanaşı, insan hüquqlarının və azadlıqlarının təminatını dövlətin ali məqsədi kimi ön plana çıxarıb. Konstitusiyada əksini tapmış bu strateji məqsəd, ilk növbədə, hüquq islahatları və insan hüquqlarının qorunması prinsipinin real həyatda tətbiqini zəruri edib. Müstəqil Azərbaycanın ilk Konstitusiyasının qəbul edilməsi ilə cəmiyyət və dövlət həyatında demokratik dəyişikliklər üçün geniş yol açılıb, insan və vətəndaş hüquq və azadlıqlarının təminatına, onların müdafiə mexanizmlərinə xüsusi yer verilib. Əsas Qanunun ən geniş fəsli məhz fundamental insan hüquq və azadlıqlarından bəhs edir. Eyni zamanda, insan və vətəndaş hüquq və azadlıqlarının, vətəndaşların layiqli həyat səviyyəsinin təmin edilməsinin dövlətin ali məqsədi olduğu xüsusi vurğulanıb. Konstitusiyaya edilən əlavə və dəyişikliklərin bir qismi insan hüquq və azadlıqlarının məzmununun genişləndirilməsinə xidmət edib. Həmin dəyişikliklərdən sonra Konstitusiya Məhkəməsinə müraciət etmək hüququna malik subyektlərin dairəsi də əhəmiyyətli dərəcədə genişlənib.
Prezident İlham Əliyevin həyata keçirdiyi siyasətin prioritet istiqamətinin məhz insan hüquqlarının müdafiəsi olduğunu deyən B.Muradova diqqətə çatdırıb ki, dünyada müşahidə edilən inteqrasiya prosesləri fonunda demokratik inkişaf yolu tutmuş hər bir dövlətin qarşısında insan hüquq və azadlıqlarının təmini, onların tam həcmdə həyata keçirilməsi vəzifəsi durur.
Konfransda çıxış edən BMT-nin Azərbaycandakı Rezident Əlaqələndiricisi, BMT-nin İnkişaf Proqramının Rezident Nümayəndəsi Qulam İshaqzai isə qeyd edib ki, hər il 10 dekabrın bütün dünyada "Hər bir insanın hüququnu müdafiə et!" şüarı ilə keçirilir: "10 dekabr - Beynəlxalq İnsan Hüquqları ilə bağlı bəyannamə dünyaya verilmiş ən böyük töhfədir".
Qeyd edək ki, konfransın sonunda yazı müsabiqəsinin qalibləri mükafatlandırıldı. Mükafatlandırma mərasimində "Kaspi” qəzetinin əməkdaşı I yerə layiq görülüb.
