Beyl “Real”ı nəyə görə tərk edə bilər?
Qaret Beylin
"Real”ı tərk edəcəyi ilə bağlı söz-söhbət səngimək bilmir.
Kaspi.az xəbər
verir ki, bu məsələyə Uels yığmasının sabiq baş məşqçisi Kris Koulman da
münasibət bildirib. O, Beylin "Real”ı yalnız bir halda – "kral klubu”ndan böyük
komandadan təklif gələcəyi təqdirdə tərk edəcəyini deyib:
"Beyl "Real”da
çoxdan oynayır? 5 il? Beyl orda oynadığı ilk ildə mətbuat konfransında həmişə məndən
soruşurdular ki, İspan mətbuatı Beyldən
razı deyil, onun orda gələcəyi varmı?
Qaret orda 3 dəfə
Çempionlar Liqasının qalibi olub. Pis uğur deyil. Sonuncu dəfə onunla danışanda
mənə dedi ki, Madriddə xoşbəxtdir. Ailəsi də orda özünü əla hiss edir.
Beyl yalnız
"Real”dan böyük klubdan təklif gələcəyi halda Madridi tərk edə bilər. "Real”dan
böyük klub isə yoxdur. Elə isə o, hara getməlidir? Mənə belə nəhəng bir klub göstərə bilərsiniz?”