“Beşiktaş”ın futbolçusunun həbsini tələb edirlər
"Beşiktaş”ın futbolçusu Caner Erkin həbs oluna
bilər.
Kaspi.az xəbər
verir ki, İstanbul prokurorluğu futbolçunun
2 ilə qədər həbsini tələb edir. Prokurorluq futbolçunu hakimi təhqir etməkdə
ittiham edir.
Caner ötən ilin
oktyabrında "Başakşəhər” lə keçirilən oyunda qarşılaşmanın baş hakimi Mete
Kalkavana təzyiq edib, ona qarşı təhqiramiz ifadələr işlədib. İstanbul prokurorluğu
onun bu hərəkətini şəxsiyyəti təhqir kimi qiymətləndirib.
Prokurorluq bu hərəkətinə
görə, Canerin bir ildən iki ilə qədər həbsini tələb edir. Futbolçu isə bu
ittihamlarla razılaşmır.