• cümə, 29 Mart, 14:37
  • Baku Bakı 14°C

Berlində Azərbaycan diaspor təşkilatlarının birgə aksiyası keçirilib

07.06.16 18:03 815
Berlində Azərbaycan diaspor təşkilatlarının birgə aksiyası keçirilib
İyunun 7-də Almaniyanın paytaxtı Berlin şəhərində Azərbaycan diaspor təşkilatlarının birgə aksiyası keçirilib. Aksiya Berlin Azərbaycan Evi, Bilefeld Alman-Azərbaycan Mədəniyyət Mərkəzi, Almaniya Azərbaycanlılarının Koordinasiya Mərkəzi və Azərbaycan Tələbə Şəbəkəsinin təşkilatçılığı ilə baş tutub.
Diasporla İş üzrə Dövlət KomitəsindənAZƏRTAC-a bildiriblər ki, aksiyanın əsas məqsədi Azərbaycan Prezidenti İlham Əliyevin ölkəmizin ərazi bütövlüyünün bərpasına yönəldilmiş məqsədyönlü siyasətinə Almaniyada yaşayan azərbaycanlıların dəstəyini ifadə etmək, ATƏT-in sədri kimi Almaniyanın Ermənistan-Azərbaycan, Dağlıq Qarabağ münaqişəsinin nizamlanması prosesində ədalətli mövqe tutmasını tələb etmək, Ermənistanın təcavüzkar siyasətinin bölgədə sülhə və təhlükəsizliyə təhdid olduğunu Almaniyanın rəsmi dairələrinin diqqətinə bir daha çatdırmaqdır.
Federal kansler Angela Merkelin ofisi qarşısında keçirilən aksiyada 200-dən çox həmvətənimiz iştirak edib. Aksiyada "Dünya Azərbaycanlıları sizi dəstəkləyir cənab Prezident!", "Ermənistan əlini Qarabağdan çək!", "BMT-nin qətnamələri yerinə yetirilməlidir", "Təcavüzkarlığa son!", "Metsamor region üçün təhlükədir!", "Xanım Merkel, biz Almaniyaya və ATƏT-ə inanırıq!" şüarları səsləndirilib. Aksiya iştirakçıları Ermənistan-Azərbaycan, Dağlıq Qarabağ münaqişəsinin ədalətli həllini, Ermənistanın işğalçılıq siyasətinə son qoyulmasını tələb edib.
Aksiya iştirakçıları Almaniyanı münaqişənin həlli prosesində obyektiv mövqe tutmağa çağıraraq, Prezident İlham Əliyevin ölkənin ərazi bütövlüyünün bərpasına yönəlmiş siyasətinə dəstək ifadə ediblər.
banner

Oxşar Xəbərlər