“Bəli, bu, tarixdə ən yaxşı dünya çempionatıdır”
FİFA prezidenti Canni İnfantino Rusiyada keçirilən dünya çempionatını
dəyərləndirib.
Kaspi.az xəbər verir ki, İnfantino DÇ-2018-in ən yüksək səviyyədə
keçirildiyini bildirib. O, bu mundialın, futbol tarixinin ən yaxşısı olduğunu
vurğulayıb:
"Bu, çox heyrətamiz, möhtəşəm, inanılmaz dünya çempionatıdır. Bütün
görülən işlərə görə sağ olun. Mən gözləyirdim ki, bu mundial tarixdə ən yaxşı
olacaq. Bu gün daha böyük inamla deyə bilərəm ki, biz birlikdə bunun şahidi olduq.
Bəli, bu, tarixdə ən yaxşı dünya çempionatıdır.
Bu, ilk növbədə futbolun ehtiras və emosiyalarına aiddir. Mən lojada olarkən
ölkələrin nümayəndələrini sakitləşdirməyə çalışıram. Biri rahatlaşırsa, digəri
inciyə də bilər. Axı, dünya liderləri də insandırlar. Onlar da bəzən sevinmək, gülümsəmək istəyirlər. Yaxşı ki, futbol bu
imkanı yaradır.
Məndə faktlar var: Stadionlar 98 faiz dolu olub. Başqa ölkələrdən
milyondan çox azarkeş gəlib. Bir milyard insan televiziya qarşısında mundialı
izləyib. İnternetdə 11 milyarddan çox baxış, fan-zonalarda 7 milyondan çox adam.
Məşqçilərə, futbolçulara təşəkkür edirəm. Rusiya xalqına
minnətdarlığımı bildirirəm. Sağ ol Rusiya. Biz hamımız birlikdə böyük uğura
nail olduq”.