Belə sevinərsən, cərimə edərlər
Bazar günü
Mersisayd derbisində "Liverpul” "Everton”a 1:0 hesabı ilə qalib gəldi.
"Liverpul” qələbə
qolunu qarşılaşmanın son dəqiqələrində vura bildi. Bu qoldan sonra "Liverpul”un
baş məşqçisi Yurgen Klopp hisslərinə hakim ola bilməyərək, sevinci
futbolçularla bölüşmək üçün meydana daxil oldu.
Kaspi.az xəbər
verir ki, Klopp sevincini bu tərzdə nümayiş etdirdiyi üçün cərimə olunacaq.
İngiltərə Futbol Assosiasiyası Kloppu 9 min avro cərimə edib. Bundan əlavə, mütəxəssisə
ciddi xəbərdarlıq da edilib.
O, yenidən belə
çılğınlıq nümayiş etdirəcəyi təqdirdə, daha sərt cəza ilə üzləşəcək. Onu da
qeyd edək ki, Klopp, qarşılaşmadan sonra etdiyi hərəkətə görə üzr istəmişdi.