“Bavariya”ya məsləhət - Ona diqqət yetirin
"Şalke”nin sabiq baş məşqçisi Xub Stevens "Bavariya”nın problemləri
barədə danışıb.
Kaspi.az xəbər verir ki, Stevens Münhen nəhənginə hücumçu lazım
olduğunu bildirib. O, bu problemi həll etmək üçün "Bavariya”ya məsləhət də
verib. Stivens "Ayaks”ın hücumçusu Kasper Dolberqə diqqət göstərməyi tövsiyə
edib:
"Bavariya”nın məşqçilərinin yerinə olsaydım, yüksək texnikaya sahib
hücumçu transfer edərdim. Məsələn, Dolberq kimi. Onu əla futbolçu hesab edirəm.
Dolberq mənə Levandovskini xatırladır. Onun yüksək texnikası və
sürəti var. Üstəlik "ikinci mərtəbə”də də əla oynayır. Bundan əlavə, o, həm də
əla insandır”.