“Bavariya” rəsmisi PSJ və “Siti”ni ittiham etdi
"Bavariya”nın
idarə heyətini n sədri Karl-Haynts Rummenigge transfer bazarında baş verənlərə
münasibət bildirib.
Kaspi.az xəbər
verir ki, Rummenigge qiymətlərin həddindən artıq yüksəldiyindən şikayətlənib.
O, buna görə "Siti” və PSJ-ni ittiham edib:
"Futbolçuların
qiymətlərinin qalxmasına görə bütün günah PSJ və "Siti”nin çiynindədir. Bir
baxın, görün "Real” son illər nəyə nail olub. Bu komanda son illərdə demək olar
ki, pul xərcləməyiblər.
Çempionlar
Liqasını qazanmaq naminə ağılsızlıq etmək olmaz. Biz bu fəlsəfəni bölüşmürük.
Ronaldo? Andre Anyellinin bu transferə qol qoyması məni təəccübləndirdi.
Ancaq digər
aspektdən baxsaq, "Yuventus”un bunun üçün məntiqi əsası da var. Son illər
İtaliya futbolu mövqeyini itirmişdi.
Bütün bunlara
baxmayaraq, "Bavariya” 33 yaşlı futbolçuya görə heç vaxt 117 milyon avro ödəməz.