“Bavariya” onlarla yeni müqaviləni razılaşdırıb
Frank Riberi ilə
Aryen Robbenin "Bavariya” ilə hələ də yeni müqavilə bağlamaması söz-söhbətə səbəb
olub.
Kaspi.az xəbər
verir ki, hər iki futbolçunun qüvvədə olan müqaviləsi mövsümün sonunda başa
çatır. "Bavariya”nın idarə heyətinin sədri Karl-Haynts Rummenigge məsələ ilə
bağlı açıqlama verib:
"Onlarla müqavilənin
uzadılmasına nəyinsə mane ola biləcəyini düşünmürəm. Bu futbolçular komandaya gələndən
sonra biz xeyli uğur qazanmışıq.
Robbenlə Riberi
komanda üçün olduqca vacib futbolçulardı. Onların nəyə qadir olduqlarını biz də
bilirik. Yeni müqavilə ilə bağlı razılıq əldə olunub. Onların oyunu hamı üçün
açardı. Bu futbolçular dünya səviyyəlidirlər”.