AZE | RUS | ENG |

Baş nazir Şinzo Abenin iyunun ortalarında İrana səfəri gözlənilir

Baş nazir Şinzo Abenin iyunun ortalarında İrana səfəri gözlənilir
Yaponiyanın Baş naziri Şinzo Abe ABŞ ilə İran arasında gərginliyin azaldılması məqsədilə Tehrana səfərin mümkünlüyünü araşdırır.
 
AZƏRTAC Yaponiya KİV-lərinə istinadla xəbər verir ki, səfər baş tutacağı təqdirdə bu, Yaponiya Baş nazirinin 1978-ci ildən sonra İrana ilk səfəri olacaq.
 
Etibarlı mənbələrin bildirdiyinə görə, Ş.Abe iyunun ortalarına planlaşdırılan səfər zamanı İran Prezidenti Həsən Ruhani ilə görüşəcək. Baş nazirin bu barədə son qərarı mayın 27-də ABŞ Prezidenti Donald Tramp ilə müzakirələrdən sonra qəbul edəcəyi gözlənilir.
 
Qeyd edilir ki, Ş.Abe Yaponiya ilə İran arasında dostluq əlaqələrini yüksək qiymətləndirir. 2013-cü ildən başlayaraq, o, demək olar ki, hər il BMT Baş Məclisinin Nyu-Yorkda keçirilən iclasları zamanı H.Ruhani ilə görüşür.
 
Xatırladaq ki, Baş nazir ötən həftə gözlənilmədən Yaponiyaya səfər edən İranın xarici işlər naziri Məhəmməd Cavad Zərif ilə də müzakirələr aparıb.
Həmin görüş zamanı iki ölkə arasında əlaqələrin inkişaf etdiriləcəyi təsdiq olunub. Ş.Abe, həmçinin İranın böyük dövlətlərlə nüvə sövdələşməsinə əməl edəcəyinə inandığını da bildirib.
 




Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9396
GEL 1 1 Gürcüstan larisi 0.6061
GBP 1 1 İngiltərə funt sterlinqi 2.1676
IRR 100 100 İran rialı 0.004
SEK 1 1 İsveç kronu 0.1832
CHF 1 1 İsveçrə frankı 1.753
KWD 1 1 Küveyt dinarı 5.6058
TRY 1 1 Türkiyə lirəsi 0.2933