“Barsa”nın prezidenti azarkeşləri arxayın etdi
Lionel Messinin "Barselona” ilə yeni müqaviləsi rəsmiləşmədiyinə
görə, söz-söhbət hələ də davam edir.
Kaspi.az xəbər verir ki, İspaniya mətbuatı Messinin və İnyestanın
komandadan ayrıla biləcəyini yazır. "Barsa”nın prezidenti Xosep Mariya Bartomeu
növbəti dəfə bu məsələyə münasibət bildirib. O, azarkeşləri arxayın edəcək
açıqlama verib:
"Messi "Barselona”da nə vaxta qədər istəyirsə, o vaxta qədər də
oynayacaq. İnyestaya gəldikdə isə o, universal futbolçudur. İnyesta Ronaldinyo
ilə də oynayıb, indi də Messi ilə oynayır.
Andres bizim komanda üçün fundamental əhəmiyyətə malikdir. O da
istədiyi vaxta qədər "Barsa”da qalacaq. Azarkeşlər Messi və İnyesta məsələsində
tam arxayın ola bilərlər”.
Bartomeu bir müddət əvvəl verdiyi açıqlamada Messi ilə yeni
müqavilənin bağlandığını, futbolçu Argentina yığmasının düşərgəsindən
qayıtdıqdan sonra bu barədə rəsmi açıqlama veriləcəyini bildirmişdi.