“Barsa”dakı durumundan narazıdır
"Barselona”nın
futbolçusu Arturo Vidal komandadakı durumundan narazıdır.
Kaspi.az xəbər
verir ki, Vidal meydanda az vaxt keçirməsindən gileylənir. Çilili futbolçu ÇL-də
"Tottenhem”lə keçirilən qarşılaşmada yalnız 86-cı dəqiqədə meydana çıxıb. Vidal
son vaxtlar sosial şəbəkələrdə qəzəb ifadə edən smayliklər paylaşır. Çoxları
bunu çililinin "Barsa”nın baş məşqçisinə münasibəti kimi qələmə verirlər. Vidal
məsələ ilə bağlı mətbuata açıqlamasında belə deyib:
"Hazırkı
durumumdan razı olduğumu deyə bilmərəm. Necə razı ola bilərəm ki, oynamıram? Mən
o futbolçulardanam ki, dünyanın ən yaxşı komandalarının heyətində oynamışam və
titullar qazanmışam. Bunu "Barselona”da da davam etdirmək istəyirəm.
Həm psixoloji, həm
də fiziki cəhətdən tam qaydasındayam. Düzdür, son oyunlarda bir qədər məyus
olmuşam. Nə etmək olar, hazırkı
situasiya belədir.
Əgər baş məşqçi
ilə problemim olsa və ya əsəbi olaramsa, onda yanına gedib bütün bunları onun
üzünə deyərəm. Sosial şəbəkələrdə paylaşdığım qəzəbli smayliklər? Bunun üçün
müxtəlif səbəblər ola bilər”.