“Barsa” 800 milyon kredit götürüb
"Barselona”
rəhbərliyi klubun gələcək layihələrini reallaşdırmaq üçün kredit götürüb.
Kaspi.az
xəbər verir ki, bu barədə məlumatı "Barsa”nın sabiq prezidenti Xuan Laporta
verib. O, indiki rəhbərliyin atdığı addımların kluba zərər verə biləcəyindən
narahat olduğunu vurğulayıb:
"800
milyon avro kredit götürməyi planlaşdırıblar. Bilmirəm, onlar artıq razılığa gəliblər,
yoxsa ilkin razılıq əldə ediblər.
Amma
klub 20 il ərzində bu krediti qaytarmalıdır. Onlar "Nou Kamp”la bağlı da hansı
layihələrinin olduğunu müəyyənləşdirməlidirlər. Stadionun adı ilə bağlı məsələ
də həll edilməlidir.
Onların
nə etdiklərini diqqətlə izləyəcəyəm. Çünki klubun mirasına zərər vura bilərlər”.
Son hesabata görə, 800 milyon kreditdən əlavə,
klubun 217 milyon avro borcu var. Deməli, ümumi borc 1 milyarddan da artıqdır. Məlumata
görə, klub rəhbərliyi kreditin əsas hissəsini stadionun yenidən qurulmasına sərf
edəcək. İlkin mərhələdə bu işə 600 milyon sərf olunacağı güman edilir. Amma xərc
arta da bilər.
Laporta
2003-2010-cu illərdə "Barsa”nın prezidenti olub.