Bank VTB (Azərbaycan)-ın Çagrı Mərkəzi zənglərin buraxılış gücünü artırıb
2017-ci ilin 1-ci rübündə
VTB (Azərbaycan)-ın Çağrı Mərkəzinin (Call Center) operatorları bankın müştərilərindən
15 000-dən çox zəng qəbul edib, telefonla verilən məsləhətlərin ümumi müddəti
21 min dəqiqə və ya 350 saat təşkil edib.
Müştərilərin ən çox müraciət etdiyi müddət saat
11:00-dan 15:00-dək qeydə alınıb. Gün ərzində
operatorlar orta hesabla 300 sorğuya cavab verib, bu zaman operatorun
cavabını gözləmə müddəti orta hesabla 23 saniyə, sorğunun həllinə sərf olunan
vaxt isə 2 dəqiqə təşkil edib. Daxil
olan sorğuların böyük hissəsi bankın tarifləri, məhsulların şərtləri, seyf
qutuları, internet-bankinq xidmətinə qoşulmaq barədə olub.
Hazırda 986 qısa nömrəli Çağrı Mərkəzi bankın müştəriləri
ilə daimi əlaqə saxlamaq üçün əsas kommunikasiya vasitələrindən biridir. Müştərilər
bankın qaynar xətti ilə əlaqə saxlayaraq unikal müştəri kodu vasitəsilə öz
hesabları barədə bütün məlumatları əldə edə bilər. Çağrı Mərkəzinin operatorları
həmçinin plastik kartların buraxılışı, kreditlərin verilməsi, depozitlərin yerləşdirilməsi
üzrə onlayn sifarişlər qəbul edir və bankın Facebook sosial şəbəkəsindəki rəsmi səhifəsində suallara
cavab verir. Çağrı Mərkəzinin operatorları nəinki zəngləri qəbul edir, həmçinin
bankın saytındakı zəng sifarişi funksiyası sayəsində müştərilər üçün rahat olan
vaxtda zəng edib, onları maraqlandıran sualları cavablandırırlar.
"Operatorların işinin vacibliyini və məsuliyyətini
nəzərə alaraq biz, qaynar xətt ilə müştərilərə göstərilən xidmətin keyfiyyətini
daim artırırıq. Bankın müştəriləri əmin ola bilər ki, bankın Çağrı Mərkəzinə zəng
edərək onlar bütün lazımi məlumatı və peşəkar dəstək alacaqlar ”- deyə, bank VTB
(Azərbaycan)-ın Çağrı Mərkəzinin rəhbəri Rasim İslamov bildirib.