Bakıdan Həştərxana uçan təyyarə geri qayıdıb

Həştərxan hava limanında güclü duman ilə əlaqədar olaraq "Buta Airways”in J2-9235 nömrəli reysində hava gəmisinin kapitanı Bakının hava limanına qayıtmaq qərarı verib.
Aviaşirkətin mətbuat xidmətindən Trend-ə verilən məlumata görə, yerli vaxtla 10:50-də təyyarə Bakının aeroportunda uğurlu eniş həyata keçirib.
Hava şəraitinin yaxşılaşmasından sonra heyətin Həştərxana yola düşəcəyi gözlənilir.