Bakıda Meksikanın Müstəqillik Günü qeyd olunur
Sentyabr ayının 15-də Meksikanın Azərbaycandakı Səfirliyi Bakıda
ölkəsinin Müstəqillik Gününü qeyd edir. Artıq ikinci
dəfədir ki, Azərbaycanın paytaxtında bu mərasim baş tutur. Seəfirlikdən "Kaspi”
qəzetinə daxil olan məlumatda bildirilir ki, Meksika ilə Azərbaycan arasında
diplomatik əlaqələr 1992-ci ildə qurulub. Hər iki ölkənin Səfirlikləri Mexiko
şəhəri və Bakıda müvafiq olaraq 2007-ci və 2014-ci illərdə açılıb. Bununla da
müxtəlif sahələr üzrə ikitərəfli əlaqələrin inkişafına təkan verilib: ticarət,
təhsil, mədəniyyət və s. "Bugün Meksika, digər xüsusiyyətləri arasında,
dünyanın 14-cü iqtisadiyyatı olduğundan beynəlxalq arenada xüsusi bir yer
tutur. Mexiko şəhəri ölkənin ən vacib və Latın Amerikanın boyük nüfuza malik
bir iqtisadi və maliyyə mərkəzidir. Son illərdə ölkənin bir sıra sahələri
yüksək dərəcədə inkişaf edib: digərilərlə yanaşı, ticarət, turizm, kənd
təsərrüfati, avtomobil, elektronika və kosmik sənayələri”. Məlumatda bildirilir
ki, müasir dünyada tutduğu mövqe ilə yanaşı, Meksika xalqının minilliklər
tarixi vardır. Belə ki, ölkənin mədəniyyəti və adətlərinin kökləri qədim
zamanlara yönəlir. "Meksika mədəniyyəti özündə xalqın fərqləndirici cəhətlərini
qoruyur və nümayiş edir və bunun ölkə ərazisinin ilk sakinləri olan yerli qədim
xalqların mədəniyyətinə əsasladığını göstərir. Meksika hal-hazırda dünyada bir
sıra məhşur məhsulların vətənidir: qarğıdalı, pomidor, lobya, vanil, şokolad,
tekila və s.”
Oktyabr ayının
1-də Meksika Səfirliyi Azərbaycandakı fəaliyyətinin 2-ci ilini qeyd edəcək.
Sözügedən müddət ərzində bu Diplomatik Nümayəndəlik Meksika mədəniyyəti,
mətbəxi, kinosu, incəsənəti və turizm sahəsini daha yaxından tanımaq imkanını
yaradan müxtəlif tədbirləri təşkil edib. Qeyd olunan tədbirlər yalnız ölkə
paytaxtı olan Bakı şəhərində yox, həmçinin Azərbaycanın müxtəlif rayonlarında
baş tutub. Bu ilin iyun ayında meksikalı rəssam Marqarita Moralesin sərgisi
Şamaxı, Qəbələ, Mingəçevir və Gəncə şəhərlərində nümayiş olunub. Odlar
Yurdundan ilhamlanaraq rəssam bəzi əsərlərini məhz Azərbaycanda yaradıb.
"Meksika ilə Azərbaycan dünyanın müvafiq yerlərində yerləşən vacib ölkələrdir.
Hər iki ölkə regionlarında nəqliyyat və loqistika mərkəzlərində çevirmişlər. Buna baxmayaraq, bu iki ölkə arasında yeganə oxşarlıq
deyil, çünki hər birinin neft və qaz sahələri ilə təbii əlaqələri mövcuddur. Bu
sahədə Meksika ilə Azərbaycanın zəngin təcrübələri var və sözügedən sektor üzrə
ikitərəfli əməkdaşlıq hər iki tərəf üçün məhsuldar ola bilər. Digər tərəfdən,
iki ölkə arasında olan coğrafi məsafənin mövcudluğuna baxmayaraq, əməkdaşlıq
üçün mümkün sahələrin axtarışı, təcrübə mübadiləsi, qarşılıqlı səfərlərin
həyata keçirilməsi və ikitərəfli hüquqi bazanın genişləndirilməsi xalqlar
arasında əlaqələrin inkişafını mümkün edir”.