Bakıda II Azərbaycan Beynəlxalq Müdafiə Sərgisi başlayıb - Fotolar

Bakıda II Azərbaycan Beynəlxalq Müdafiə Sərgisi "ADEX-2016”nın rəsmi açılış mərasimi başlayıb.

APA-nın xəbərinə görə, açılış mərasimində müdafiə sənayesi naziriYavər Camalov, prezidentin hərbi məsələlər üzrə müşaviriVahid Əliyev, müdafiə naziri, general-polkovnikZakir Həsənov, Dövlət Sərhəd Xidmətinin rəisi, general-polkovnikElçin Quliyev, baş nazirin müaviniYaqub Eyyubov, Türkiyənin müdafiə naziri Fikri İşıq, digər rəsmi şəxslər, diplomatik korpusun nümayəndələri, hərbi attaşelər və xarici qonaqlar iştirak edir.
"ADEX-2016” sərgisinə 34 ölkədən 216 şirkət, 19 ölkədən 25 rəsmi nümayəndə heyəti qatılıb. Ziyarətçi şirkət və qurumlarla birlikdə sərginin coğrafiyası 44 ölkəni əhatə edir.
AzərbaycanınMüdafiə Sənayesi Nazirliyitərəfindən "ADEX-2016” sərgisində 260 addan çox müdafiə təyinatlı məmulat nümayiş olunur.