Bakıda çimərlikdə 12 yaşlı oğlanın faciəvi ölümü

Bakı ətrafındakı çimərliklərdən birində yeniyetmə oğlan dənizdə boğulub. Lent.az-ın Fövqəladə Hallar Nazirliyinin saytına istinadən verdiyi məlumata görə, Binəqədi rayonun ərazisində dənizdə (“Fatmai” sularda xilasetmə məntəqəsindən 1 km aralıda, nəzarətsiz ərazidə) çimərkən batmış 2001-ci il təvəllüdlü Musayev İslam Hüseyn oğlunun axtarışları başa çatıb. İ.Musayevin meyiti Fövqəladə Hallar Nazirliyinin dalğıc-xilasediciləri tərəfindən batdığı yerdən təxminən 800 m aralıda tapılaraq sudan çıxarılıb və aidiyyəti üzrə təhvil verilib.