AZE | RUS | ENG |

Bakıda baş verən cinayətlər cavabsız qalmamalıdır

Bakıda baş verən cinayətlər cavabsız qalmamalıdır
1990-cı il 20 yanvar tarixinə keçən gecə Bakıda baş verən cinayətlər cavabsız qalmamalıdır.

Bunu Trend-ə Moldova İctimai Palatasının sədri, siyasi xadim Aureliya Qriqoriu deyib.

A.Qriqoriu bildirib: "1990-cı il 20 yanvar faciəsi SSRİ-nin öz xalqına və vətəndaşlarına qarşı ordudan istifadə etməsinin qara səhifəsi kimi əbədi olaraq müasir tarixə yazılıb. Azərbaycanın suverenliyi və müstəqilliyini dəstəkləmək üçün Bakıda keçirilmiş dinc nümayiş sovet ordusu tərəfindən silah və tanklarla gülləbaran edilib. Sovet ordusu hissələrinin, daxili qoşunların və xüsusi təyinatlı qüvvələrin böyük kontingentinin Bakını işğal etməsi xüsusi qəddarlıq və görülməmiş vəhşiliklərlə baş verib. Dinc əhali qətlə yetirilib, yüzlərlə insan öldürülüb, yaralanıb və itkin düşüb.

A.Qriqoriu qeyd edib ki, ordunun Bakıya yeridilməsi və fövqəladə vəziyyətin qoyulması SSRİ Konstitusiyasının (119-cu maddə), Azərbaycan SSR Konstitusiyasının (71-ci maddə), "Vətəndaş və siyasi hüquqlar" Beynəlxalq paktının (1-ci maddə) kobud şəkildə pozulması idi:

"Azərbaycan Respublikasının suverenlik hüququ qəddarlıqla və çəkinmədən pozulmuş, dinc nümayiş keçirmək, ifadə azadlığı, mülkiyyət kimi təməl insan hüquqlarının pozulmasına kobudcasına yol verilmişdi. Və təəssüf ki, dünyada bu hadisələr haqqında az şey məlumdur. Məhz bu qanlı və utancverici hadisədən sonra Sovet İttifaqının sürətlə dağılması baş verdi. Dövlət öz vətəndaşlarının hüquqlarını, öz xalqına, xüsusilə Bakı şəhərinin və Azərbaycan Sosialist Respublikasının əhalisinə qarşı cinayət törədilməsinə şərait yaradaraq pozmuşdu. İnsanlara hədəf kimi, əsasən kürəyindən, yeganə məqsədlə - öldürmək üçün güllə atılıb. Bu cür cinayətlər cəzasız qalmamalıdır. Beynəlxalq humanitar hüquq normalarına görə, bu cinayət əməlini törədənlər müəyyənləşdirilməli və məhkəməyə təslim edilməlidirlər".

Moldovalı siyasi xadimin sözlərinə görə, 1990-cı il hadisələrindən danışarkən, ilk növbədə Sovet İttifaqının məlumat məkanının qapalılığını nəzərə almaq lazımdır:
"İndiyədək həmin faciəvi hadisənin detalları yalnız ölkənin rəhbər şəxsləri, eləcə də qanlı cinayətlərin birbaşa icraçıları barədə açılan cinayət işləri çərçivəsində nəzərdən keçirilə bilər".

Digər tərəfdən A.Qriqoriu qeyd edib ki, beynəlxalq ictimaiyyətdə beynəlxalq hüquq prinsiplərinə riayət olunması və həmçinin insan hüquqlarının həyata keçirilməsində baş verən ikili standartları da unutmamaq lazımdır:

"Bu gün biz 1990-cı il yanvarın 19-dan 20-nə keçən gecə baş vermiş qanlı faciənin qurbanlarını yada salırıq. Onların ölümü boşa deyildi. Tarixin amansız dərslərini qavramaq lazımdır. Öz vətəndaşlarının güllələnməsi əmrini verən heç bir rejim hakimiyyətdə qala bilməz".

Qeyd edək ki, 1990-cı il yanvarın 19-dan 20-nə keçən gecə, əvvəlcədən fövqəladə vəziyyət elan edilmədən Sovet ordusu Azərbaycana qarşı hərbi əməlliyatlara başladı. Faciə zamanı 137 insan öldürüldü, 744-ü ağır xəsarət aldı, 841 nəfər isə qanunsuz olaraq həbs edildi. Sovet ordusunun əməliyyatları nəticəsində 200 mənzil, ev, şəxsi və dövlət əmlakı dağıldı.

Xalqımızın qan yaddaşında əbədi yaşayacaq 20 Yanvar faciəsi respublikamızda hər il Ümumxalq Hüzn Günü kimi geniş qeyd edilir.




Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9202
GEL 1 1 Gürcüstan larisi 0.6439
GBP 1 1 İngiltərə funt sterlinqi 2.1929
IRR 100 100 İran rialı 0.004
SEK 1 1 İsveç kronu 0.1835
CHF 1 1 İsveçrə frankı 1.6908
KWD 1 1 Küveyt dinarı 5.5954
TRY 1 1 Türkiyə lirəsi 0.3202