AZE | RUS | ENG |

Bakıda Afrika cazı və onun muğamla sintezi səsləndirilib

Bakıda Afrika cazı və onun muğamla sintezi səsləndirilib
Beynəlxalq Muğam Mərkəzində Mali Respublikasının "Cheick Tidiane Seck” qrupu və yerli musiqiçilər maraqlı konsert proqramı ilə çıxış ediblər.
AZƏRTAC xəbər verir ki, konsertdə Afrika cazı və onun muğamla sintezi səsləndirilib.
Qrupun rəhbəri Şek Tidian Sek dünya şöhrətli musiqiçilər Karlos Santana, Stiv Vander, Rendi Vuesten, Cimi Kliff və "Gorillaz” qrupu ilə birgə çalışdığını bildirib.
Azərbaycan Respublikasının UNESKO yanında daimi nümayəndəliyinin rəhbəri səfir Anar Kərimov qonaqları belə gözəl məkanda görməkdən şad olduğunu vurğulayıb. O qeyd edib ki, caz millətləri və mədəniyyətləri bir araya gətirən gözəl vasitədir.
Malidən olan qrupa Şek Tidian Sek, Manteqari Frank (zərb), Adama Dembele (perkusiya) Cankey Suso (vokal), Mohamed Hafsi (bass gitara), Mamadi Diabate (gitara) daxildir. "Bacustik Jazz” qrupunun ifaçıları isə Salman Qəmbərov (piano), Emin Həsənov (bass gitara) və Vaqif Əliyevdir (zərb).
Konsertdə muğamın cazla sintezi Səxavət Məmmədov (tar), Oqtay Şərifov (kamança) və Almaxanım Əhmədlinin (vokal) ifasında səsləndirilib.




Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9162
GEL 1 1 Gürcüstan larisi 0.5985
GBP 1 1 İngiltərə funt sterlinqi 2.1363
IRR 100 100 İran rialı 0.004
SEK 1 1 İsveç kronu 0.1815
CHF 1 1 İsveçrə frankı 1.7269
KWD 1 1 Küveyt dinarı 5.5859
TRY 1 1 Türkiyə lirəsi 0.2968