Bakıda 3 yük maşını aşıb

Avqustun 16-na keçən gecə Bakı şəhərinin Suraxanı rayonu ərazisində ağır yol qəzası baş verib. Lent.az-ın hadisə yerində olan müxbirinin verdiyi məlumata görə, Aeroport yolu kimi tanınan şosedə iki yük maşını və bir minik avtomobili toqquşub. Qəza zamanı yük avtomobilləri idarəetmədən çıxıb və aşıb. 2 nəfər xəsarət alıb.
Oxşar hadisə Xətai rayonunda da baş verib. Heydər Əliyev Prospektinin Yusif Səfərov küçəsi ilə kəsişməsində, “Bazarstore”nin qarşısında yük maşını aşıb. Hadisəyə səbəb iri tonnajlı avtomobilin döngəyə sürətlə girməsi olub.