AZE | RUS | ENG |


AzTU-nun tələbələri XIII Respublika universiadasının qalibləri sırasında

AzTU-nun tələbələri XIII Respublika universiadasının qalibləri sırasında
Azərbaycan Texniki Universitetinin (AzTU) tələbələri 2 komanda ilə XIII Respublika universiadasında iştirak ediblər. Yarışda AzTU-nu dama üzrə 4, şahmat üzrə isə 5 tələbə təmsil edib. 

Dama oyununda birinciliyi əldə etmək üçün ümumilikdə ölkə üzrə universitetlərdən qatılan 15 komanda mübarizə aparıb. AzTU-nun tələbələri bu mübarizədə III yerə layiq görülüblər.  I yeri Milli Aviasiya Akademiyasının, II yeri isə Tibb Universitetinin komandaları qazanıb. 

Ümumrespublika universitetlərindən 17 komandanın qatıldığı şahmat oyunlarında isə AzTU tələbələri daha böyük uğura imza atıblar. Şahmat oyunlarında AzTU-nun komandası İqtisad Universitetinin komandasına məğlub olaraq ikinci yerdə qərarlaşıb. Şahmat oyunlarında III yeri Dövlət Bədən Tərbiyəsi və İdman Akademiyasının tələbələri qazanıblar.

XIII Respublika universiadasında AzTU-nu məşqçi-müəllim Aydın Ağayevin rəhbərliyi ilə dama və şahmat oyunlarında Xüsusi texnika və texnologiya (XTT), Avtomatika və kompyuter texnikası(AKT), Maşınqayırma və Nəqliyyat fakültələrinin tələbələri təmsil edib. 

Qeyd edək ki, universitetdə idmana olan maraq nəzərə alınaraq və bu istiqamətdə dövlət siyasətinə uyğun olaraq AzTU-nun İdman Sarayı yaxın zamanlarda yüksək səviyyəli təmirdən sonra tələbə və müəllimlərin ixtiyarına veriləcək.


Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0047
GEL 1 Gürcü larisi 0.7072
GBP 1 İngilis funt sterlinqi 2.2065
TRY 1 Türk lirəsi 0.4824
KWD 1 Küveyt dinarı 5.6202
SEK 1 İsveç kronu 0.2069
EUR 1 Avro 1.9783
CHF 1 İsveçrə frankı 1.7884
USD 1 ABŞ dolları 1.7012