Azərbaycanlı futbolçu barədə cinayət işi qaldırılıb
"Lokomotiv”in və "Anji”nin sabiq futbolçusu,
Azərbaycan əsilli Aleksandr Əliyevin həyat yoldaşı Tatyana onu məişət
zorakılığında ittiham edib.
Kaspi.az xəbər
verir ki, Əliyevə qarşı 5 maddə ilə
cinayət işi qaldırılıb. Onun aliment borcu 470 min rubla yüksəlib. Tatyana
bildirib ki, Aleksandr onu daim təhdid edir:
"Əgər mən itsəm,
bu, onun xeyrinə olacaq. Məni daim təhdid edirlər. Aleksandr məni evdən də
çıxardıb. O, başımdan tutub çarpayıya vururdu.
Bir müddət əvvəl
isə dedi ki, evi uşaqların adına keçirtmək istəyir. Mən də ona dedim ki, vəssalam,
heç bir məhkəmə istəmirəm. Mən bir istəyim var, uşaqlarımın həyatı sakit olsun.
Ancaq o, məni
növbəti dəfə aldatdı. Mən axmaq da ona növbəti dəfə inanmışdım”.
Əliyev mətbuata
verdiyi açıqlamada Tatyananı evdən qovduğunu etiraf edib: "Bəli, onu evdən
qovmuşam. Mənim evim uşaqlarıma məxsusdur. Qoy o, zibillikdə yaşasın. Ev isə
uşaqların haqqıdır. Onları mən təmin edəcəyəm. Ona bir qəpik də verməyəcəyəm.
Uşaqlar isə analarını şənbə və bazar günləri görə bilərlər”.