AZE | RUS | ENG |

Azərbaycanlı atlet “Almaz Liqa”nın qalibi oldu

Azərbaycanlı atlet “Almaz Liqa”nın qalibi oldu
Türkiyə adından çıxış edən azərbaycanlı atlet Ramil Quliyev 14 mərhələdən ibarət olan "Almaz Liqa”da (Diamond League) qalib olub.
 
Kaspi.az xəbər verir ki, Norveçin paytaxtı Osloda keçirilən budəfəki mərhələnin 200 metr qaçış kateqoriyasında Ramil 19.90 nəticə ilə çempion olub. Bu göstərici cari mövsüm Quliyevin ən yaxşı göstəricisidir.
 
Kanadalı Aaron Braun 19.98 nəticə ilə 2-ci, trinidad və tobaqolu Cerim Riçards 20.19 ilə 3-cü yeri tutub.
 
"Ümid edirdim ki, bundan daha sürətli qaçaram. Ancaq bir az ləngidim. Avropa çempionatında 200 metrə qaçacağam və məqsədim Pyetro Menneanın Avropa rekordunu (italiyalı atlet 1979-cu ildə 19.72 nəticə ilə finişə çatıb) qırmaq olacaq”, - deyə Ramil Quliyev bildirib.
 
Qeyd edək ki, ötən il Londonda dünya çempionu olmaqla Türkiyə atletikasının tarixinə düşmüş Ramil Quliyev bu liqanın Roma mərhələsində 3-cü yeri tutmuşdu. O, ötən il Birmingem mərhələsində 200 metr qaçışda 20.17 nəticə ilə liqanın çempionu olmuşdu.


Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0040
GEL 1 Gürcü larisi 0.6308
GBP 1 İngilis funt sterlinqi 2.2135
TRY 1 Türk lirəsi 0.3020
KWD 1 Küveyt dinarı 5.6066
SEK 1 İsveç kronu 0.1881
EUR 1 Avro 1.9479
CHF 1 İsveçrə frankı 1.7064
USD 1 ABŞ dolları 1.7000