AZE | RUS | ENG |


Azərbaycanlı alim: “Malyariyaya qarşı yeni nəsil vaksin əldə olunub”

Azərbaycanlı alim: “Malyariyaya qarşı yeni nəsil vaksin əldə olunub”
Malyariyaya qarşı bitkilərdə uğurla sintez edilən yeni nəsil vaksin əldə olunub.
 
APA-nın xəbərinə görə, bu barədə AMEA-nın müxbir üzvü, Türkiyənin Akdeniz Universitetinin professoru Tərlan Məmmədov Akademiyanın Rəyasət Heyətinin iclasında "Yüksək stabil və funksional aktiv vaksinlərin, terapevtik zülalların və sənaye fermentlərinin bitki yarpaqlarında sintezini təmin edən yeni molekulyar biotexnologiya” mövzusunda elmi məruzə ilə çıxış edib.
 
Alim bildirib ki, hazırda tibb və sənaye əhəmiyyətli rekombinant zülalların istehsalı bir neçə ekspressiya sistemi – bakteriya, maya göbələyi, həşərat, məməli heyvanlar vasitəsilə həyata keçirilir. 
 
 
T. Məmmədov qeyd edib ki, son illər bitki ekspressiya sistemləri iqtisadi və təhlükəsizlik baxımından perspektivli olduğu üçün istehsalda daha çox istifadə edilir: "Müəyyən hallarda sistem belə tipli zülalların istehsalına uyğun olmadıqda, problemin aradan qaldırılması üçün yeni hazırlanmış molekulyar biotexnologiyadan istifadə zərurəti yaranırdı. Bu məqsədlə daha mükəmməl texnologiya hazırlanıb. İlk dəfə olaraq bu texnologiyadan istifadə etməklə, malyariyaya qarşı bitkilərdə uğurla sintez edilən, yüksək göstəricilərə malik yeni nəsil vaksin əldə olunub. Bu texnologiya müxtəlif rekombinant və terapevtik zülalların, vaksinlərin, təbii qida əlavələrinin, eləcə də sənaye enzimlərinin sintezi üçün də geniş imkanlar yaradır".
 
 
Professor rekombinant zülalların ölkə daxilində istehsal olunub satışa çıxarılmasının böyük iqtisadi səmərə verəcəyini deyib: "İnsan və heyvanlar üçün qiymətli dərman preparatlarının bu yolla ölkə daxilində istehsalı ölkəmizin bu məhsulların idxaldan asılılığının azalmasına imkan yaradacaq". 




Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0042
GEL 1 Gürcü larisi 0.6654
GBP 1 İngilis funt sterlinqi 2.2846
TRY 1 Türk lirəsi 0.4379
KWD 1 Küveyt dinarı 5.6285
SEK 1 İsveç kronu 0.2014
EUR 1 Avro 2.0032
CHF 1 İsveçrə frankı 1.7194
USD 1 ABŞ dolları 1.7001