Bakı 18°C
Azərbaycanın suverenliyinə və ərazi bütövlüyünə dəstək
Avropa İttifaqı (Aİ) tərəfdaş ölkələrin suverenlik, müstəqillik və ərazi bütövlüyünün dəstəklənməsinə sadiqliyini təsdiq edir.
Trend-in məlumatına görə, bu barədə dekabrın 12-i Avropa Parlamenti tərəfindən qəbul edilmiş "Aİ-nin xarici siyasət və təhlükəsizlik sahəsində ümumi siyasəti barədə” qətnaməsində deyilir.
Sənəddə tərəfdaş ölkələrin ərazisində dondurulmuş münaqişələrin beynəlxalq hüquq, norma və prinsiplərə uyğun olaraq nizamlanmasının zərurəti vurğulanır.
Bundan başqa, qətnamə münaqişə nəticəsində doğma yurdlarından didərgin düşmüş şəxslərə dəstəyi gücləndirməyə, tərəfdaş ölkələrin ərazisində vəziyyətin destabilizasiyası məqsədilə üçüncü tərəflərin müdaxilə cəhdlərinin qarşısını almağa çağırır.
Beləliklə, sənəd faktiki olaraq növbəti dəfə Aİ-nin Ermənistan-Azərbaycan, Dağlıq Qarabağ münaqişəsinin nizamlanması çərçivəsində Azərbaycanın ərazi bütövlüyünə dəstəyini təsdiq edib.
