Bakı 18°C
Azərbaycanın polşalı turistlər üçün maraqlı istiqamətə çevrilməsi üçün potensialı var
Azərbaycan və Polşa arasında birbaşa aviareyslərin açılması məsələsi daim diqqət mərkəzindədir. Bu barədə Trend-ə müsahibəsində Polşanın xarici işlər naziri Yatsek Kşiştof Çaputoviç deyib.
Çaputoviç qeyd edib ki, şübhəsiz ki, Azərbaycanın polşalı turistlər üçün maraqlı turizm istiqamətinə çevrilmək üçün potensialı var: "Mən vurğulamaq istərdim ki, Polşada Azərbaycan turistlərinə çox şey təklif edə bilər. Polşanın tarixi və gözəl şəhərləri, o cümlədən şimal sahilində Varşava, Krakov, Poznan, Vrotslav və Triqorod (Qdansk, Qdınya, Sopot) şəhərləri Azərbaycandan turistləri gözləyirlər".
O bildirib: "Azərbaycan və Polşa arasında birbaşa aviareyslərin açılması şübhəsiz ki, iki ölkə arasında turist axınını artırmağa kömək edəcək. Bu məsələ aidiyyəti idarə və bir neçə aviaşirkətin, o cümlədən milli aviadaşıyıcıların daim diqqət mərkəzindədir".
Polşalı turistlər Cənubi Qafqaz ölkələrinə daha da çox maraq göstərirdiklərini bildirən nazir əlavə edib ki, onların əksəriyyəti Gürcüstana gedir, bəziləri isə Azərbaycana üstünlük verir.
Çaputoviç qeyd edib ki, şübhəsiz ki, Azərbaycanın polşalı turistlər üçün maraqlı turizm istiqamətinə çevrilmək üçün potensialı var: "Mən vurğulamaq istərdim ki, Polşada Azərbaycan turistlərinə çox şey təklif edə bilər. Polşanın tarixi və gözəl şəhərləri, o cümlədən şimal sahilində Varşava, Krakov, Poznan, Vrotslav və Triqorod (Qdansk, Qdınya, Sopot) şəhərləri Azərbaycandan turistləri gözləyirlər".
Daha əvvəl Azərbaycan Turizm Assosiasiyasının sədri Nahid Bağırov Trend-ə bildirmişdi ki, Azərbaycan və Polşa birbaşa avialaqə təşkil edə bilərlər.
Bağırovun sözlərinə görə, bu, Azərbaycana polşalı turistlər tərəfindən böyük maraqla bağlıdır: "Biz Avropa ölkələrindən, o cümlədən Polşadan turistlərin Azərbaycana artan marağını hiss edirik. Hətta ölkələrimiz arasında birbaşa reyslərin açılması ehtimalı var. Hazırda bu istiqamətdə danışıqlar gedir və ola bilsin ki, artıq yay mövsümündə Bakı və Polşa şəhərləri arasında birbaşa aviareyslər açılacaq".
