• çərşənbə axşamı, 19 mart, 07:11
  • Baku Bakı 8°C

Azərbaycanda sabitliyin qorunması region ölkələri üçün həyati əhəmiyyət daşıyır

16.07.18 16:00 430
Azərbaycanda sabitliyin qorunması region ölkələri üçün həyati əhəmiyyət daşıyır
Son günlər Azərbaycanın Gəncə şəhərində baş verən xoşagəlməz hadisələr Türkiyədə böyük narahatlıqla qarşılanıb.
Bu sözləriAZƏRTAC-a açıqlamasında Türkiyənin Mərmərə Qrupu Strateji və Sosial Araşdırmalar Vəqfinin sədri, professor Akkan Suver deyib.
A.Suver əminliyini ifadə edərək bildirib ki, törədilən cinayətlərin bədxah xarici qüvvələr tərəfindən planlaşdırıldığı inkarolunmazdır.
"Təəssüf ki, bu qüvvələr zaman-zaman Azərbaycanın müstəqilliyinin qorunmasına, dövlətin qüdrətlənməsinə, dünyadakı mövqelərinin güclənməsinə qısqanclıqla yanaşıblar. Azərbaycan bütövlükdə Qafqaz bölgəsində sabitliyin qorunmasında həlledici təsirə malikdir. Ermənistan-Azərbaycan, Dağlıq Qarabağ münaqişəsinin ədalətli həlli bu bölgədə uzunmüddətli sülhə təkan verə biləcək mühüm amildir. Yaxşı olar ki, Azərbaycanda sabitliyi pozmaq istəyən qüvvələr öz imkanlarından istifadə edərək işğalçı Ermənistandan zəbt etdiyi Azərbaycan torpaqlarından geri çəkilməyi tələb etsinlər. Bu, regiondakı bütün ölkələr üçün düzgün və əhəmiyyətli yoldur. Azərbaycanda sabitliyin qorunması region ölkələri, o cümlədən Türkiyə üçün həyati əhəmiyyət daşıyır”, - deyə A.Suver əlavə edib.
banner

Oxşar Xəbərlər